Politike

Integrimi i vendit/ Tabaku: Pengesa kryesore është qeveria, nuk ka një reformë gjthëpërfshirëse

Gjatë fjalës së saj në Kuvend, Tabaku theksoi se kjo legjislaturë po mbyllet me numrin më të lartë të detyrave të papërmbushura.

3 Korrik 2025, 11:01 Nga I.A
Integrimi i vendit/ Tabaku: Pengesa kryesore është qeveria, nuk
Jorida Tabaku

TIRANË- Deputetja Jorida Tabaku ka deklaruar ditën e sotme se pengesa kryesore për integrimin e vendit në BE është qeveria. Gjatë fjalës së saj në Kuvend, Tabaku theksoi se kjo legjislaturë po mbyllet me numrin më të lartë të detyrave të papërmbushura. Ndërkohë që ka shtuar se duhet që të kemi një reformë të plotë gjithëpërfshirëse. 

“37 nisma deputetësh për të diskutuar që kanë fjetur në sirtar për 12 vite, 26 institucione e mbyllin këtë legjislaturë si asnjëherë më parë, pa raportuar. Vendimet e Gjykatës Kushtetuese nuk janë zbatuar, duke nisur nga ai për Teatrin Kombëtar e deri te mandati i një deputeti të mazhorancë. A është gati Shqipëria për zgjedhje të lira dhe të ndershme, për institucione demokratike, për kontroll dhe balancë shteti, të zbatojë vendimet e gjykatës pa i diskutuar. Përgjigja është dhënë po në raportin e Komisionit Europian, në raportin e grup-kapitullit të parë, pengesa kryesore për integrimin e shqiptarëve nuk ka qenë dhe nuk do jetë opozita. Pengesa kryesore është qeveria. Po e mbyllim këtë legjislaturë me numrin më të lartë të detyrave të papërmbushura, pa një reformë të plotë gjithëpërfshirëse. Kuvendi i Shqipërisë është moszbatuesi më i madh nga të gjitha institucionet”, tha Tabaku.

jorida tabaku seance plenare 3 korrik 2025

Sondazh

Poll

Politike 3 Korrik 2025, 10:06 I.A

Nis seanca plenare në Kuvend

Kuvendi TIRANË- Seanca e fundit plenare për këtë legjislaturë ka nisur ditën e sotme në Kuvend. Në seancë...

MË SHUMË