Bota

Australia miraton rregulla të reja, burrat homoseksualë mund të dhurojnë gjak dhe plazmë: Jetë të shumta do të shpëtohen nga ky vendim i vonuar!

Tani, shumica e njerëzve në një marrëdhënie seksuale prej gjashtë muajsh ose më shumë me një partner të vetëm do të jenë të kualifikuar për të dhuruar gjak, pavarësisht nga gjinia apo seksualiteti i tyre.

18 Qershor 2025, 12:11 Nga N.F
Australia miraton rregulla të reja, burrat homoseksualë mund të
Foto

AUSTRALI- Australia ka miratur rregulla të reja të cilat lejojnë të gjithë burrat gej dhe biseksualë të dhurojnë gjak dhe plazmë. Sipas ndryshimeve, Australia do të bëhet vendi i parë në botë që do të heqë të gjitha kufizimet e bazuara në aktivitetin seksual për dhurimin e plazmës, thotë shërbimi kombëtar i dhurimit të gjakut Lifeblood.

"Jetët australianë do të shpëtohen nga ky vendim i vonuar dhe i rëndësishëm", tha Rodney Croome nga fushata "Let Us Give", e cila loboi për ndryshimin. Drejtoresha Kryemjekësore e Lifeblood, Jo Pink, i quajti ndryshimet një moment të rëndësishëm.

"Siguria e gjakut është dhe gjithmonë do të jetë përparësia jonë kryesore, por ne e dimë se rregullat aktuale të dhurimit kanë qenë shumë të vështira për shumë njerëz në komunitetin LGBTQIA+... ne e dimë se ato kanë kontribuar në stigmën me të cilën përballen [ata]", tha ajo në një deklaratë.

Më parë, çdo burrë ose grua transgjinore që kishte kryer marrëdhënie seksuale me burra në tre muajt e mëparshëm ishte e ndaluar të dhuronte gjak ose plazmë, ashtu si edhe punonjëset e seksit dhe gratë që kryenin marrëdhënie seksuale me burra biseksualë.

Tani, shumica e njerëzve në një marrëdhënie seksuale prej gjashtë muajsh ose më shumë me një partner të vetëm do të jenë të kualifikuar për të dhuruar gjak, pavarësisht nga gjinia apo seksualiteti i tyre.

Sipas rregullave të reja, Lifeblood nuk do t'i pyesë më burrat nëse kanë pasur marrëdhënie seksuale me burra në tre muajt e mëparshëm.  I vetmi grup që ende nuk mund të dhurojë plazmë janë ata me HIV dhe ata që kanë një partner me HIV. Rregullat për dhurimin e plazmës do të hyjnë në fuqi më 14 korrik, me qasjen e përditësuar ndaj dhurimeve të gjakut që do të zbatohet diku nga viti 2026.

Një hulumtim i kryer nga Lifeblood, me Institutin Kirby të Universitetit të Uellsit të Ri Jugor, tregoi se ndryshimet në rregulla nuk do të kishin asnjë ndikim në sigurinë e furnizimit me gjak dhe plazmë.

Plazma në veçanti kalon nëpër një proces të quajtur inaktivizim i patogjenëve, i cili filtron viruset dhe bakteret, duke zvogëluar ndjeshëm rrezikun e transmetimit të një infeksioni tek një pacient. Kërkesa globale për plazmë është tashmë në nivelin më të lartë historik dhe është ende në rritje, përfshirë Australinë, kështu që Lifeblood shpreson se ndryshimet do të ofrojnë një nxitje shumë të nevojshme për furnizimet.

australi

Sondazh

Poll

MË SHUMË