Bota

18 të vdekur nga shirat e rrëmbyeshëm në Indi (VIDEO)

Komisioneri përgjegjës për operacionet e shpëtimit në Gujarat, Alok Kumar Pandey konfirmoi se 18 persona vdiqën pasi u goditën nga rrufeja ose u bllokuan në ndërtesat e shembura.

18 Qershor 2025, 10:33 Nga N.F
18 të vdekur nga shirat  e rrëmbyeshëm në Indi (VIDEO)
Foto

INDI- Shirat e rrëmbyeshëm kanë vrarë të paktën 18 persona që nga e hëna në Gujarat të Indisë. Lajmin e konfirmoi qeveria e shtetit veriperëndimor indian.

"Tetëmbëdhjetë persona kanë vdekur në aksidente të lidhura me shiun dhe dhjetëra të tjerë që jetojnë në zona të ulëta janë shpëtuar", tha qeveria e Gujaratit në një deklaratë të martën vonë.

Me shirat e rrëmbyeshëm që pritet të vazhdojnë në ditët në vijim, Kryeministri i Gujaratit, Bhupendra Patel ka shqyrtuar masat e marra nga autoritetet. Komisioneri përgjegjës për operacionet e shpëtimit në Gujarat, Alok Kumar Pandey konfirmoi se 18 persona vdiqën pasi u goditën nga rrufeja ose u bllokuan në ndërtesat e shembura.

Përmbytjet dhe rrëshqitjet e dheut janë të zakonshme në Indi gjatë sezonit të shiut, i cili zgjat nga korriku deri në shtator. Shkencëtarët besojnë se ndryshimi i klimës po i bën këto fenomene më të shpeshta, intensive dhe të paparashikueshme.

indi

Sondazh

Poll