Aktualitet

"I sigurt që ke folur me mua o Tommaso Buscetta?", tensione mes Xhuljano Hoxhës dhe Erjon Alibejt në seancën në GJKKO

Ndërsa Gjykata qetësoi tensionet, Alibej vijoi me dëshminë e tij për vrasjen e Bujar Çelës, për të cilin tha se ishte njeriu më i afërt i Talo Çelës.

17 Qershor 2025, 11:30 Nga r.ll
"I sigurt që ke folur me mua o Tommaso Buscetta?", tensione mes
gjkko

TIRANË- I penduari i drejtësisë, Erjon Alibej vijon me dëshminë e tij në Gjykatën e Posaçme. Në seancën e sotme janë regjistruar dhe tensione e përplasje verbale mes Alibej dhe Xhuljano Hoxhës. 

Ky i fundit nga kafazi i sigurisë, teksa Alibej po jepte dëshminë e tij për ngjarjet kriminale, i është drejtuar atij duke i thirrur "O Tommaso Buscetta”. Busceta ishte një mafioz italian dhe një anëtar i rëndësishëm i Cosa Nostra-s, i cili u bë i pari që bashkëpunoi me drejtësinë italiane për të zbardhur krimet e grupit.

Ndërsa Gjykata qetësoi tensionet, Alibej vijoi me dëshminë e tij për vrasjen e Bujar Çelës, për të cilin tha se ishte njeriu më i afërt i Talo Çelës. Alibej tha se pas vrasjes së Emiljano Ramazanit, ai vetë kishte kërkuar që arma e krimit të fshihej në banesën e Bujar Çelës, ndërsa shtoi se në këtë ishte i përfshirë edhe Xhuljan Hoxha, i cili jepte informacione. Hoxha ndërhyri përsëri duke iu drejtuar Alibejt sërish më të njëjtin emër: “Unë kam qenë në shtëpi. I sigurt që ke folur me mua o Tommaso Buscetta?”

erion alibej xhuljano hoxha gjkko

Sondazh

Poll