Politike

"Ikin shqiptarët shtohen votat!" Zhupa në Kuvend: Ajo që ndodh në Shqipëri është tragjike, zarfet e diasporës nuk kanë ardhur vetëm me DHL

Demokratja ironizoi procesin teksa tha se shqiptarët po ikin por votat po shtohen.

16 Qershor 2025, 15:49 Nga M.B
"Ikin shqiptarët shtohen votat!" Zhupa në Kuvend: Ajo
Ina Zhupa

TIRANA- Deputetja e Partisë Demokratike Ina Zhupa foli sot në foltoren e Kuvendit lidhur me zgjedhjet e 11 majit dhe konkretisht për votën e diasporës. Zhupa tha se ajo që ndodh në Shqipëri është tragjike duke theksuar se zarfet e diasporës nuk kanë ardhur vetëm me DHL. Gjithashtu demokratja ironizoi procesin teksa tha se shqiptarët po ikin, por votat po shtohen. 

"Dikur mbaronin shkollën bënin karrierë dhe vinin përfaqësoheshin bëheshin deputetë. Tani është bërë historike, bëhen deputetë dhe më pas i fut Edi Rama në shkollë që të mësojnë se di duhet të jenë deputetë dhe lektor kanë vetë Edi Ramën. Do të fusin dhe 2, 3 orë menaxhim marrëdhëniesh me krimin ku do të ftojnë lektorë të veçantë Suel Çelën, Troplinët, Xhabaftët për t’i mësuar se si të mbajnë marrëdhëniet me krimin brenda dhe jashtë vendit.

Ajo që ndodh në Shqipëri është tragjike, se si dhe vetë institucionet e shtetit që gjysmën e të vërtetës gjithmonë e fshehin kanë deklaruar se ne dy vite kanë ikur 72 mijë e 597 shqiptarë sipas INSTAT, që do të thotë 99 shqiptarë largohen çdo ditë nga vendi, e braktisin vendin. Nuk ikin për pushime, ikin sepse ju duan shumë juve dhe mënyrën se si po qeverisni ju e po e begatoni vendin. Ikin shqiptarët shtohen votat, të gjithë e patë se si një individ merrte katër fleta votimi, votonte me komoditetin më të madh për të votuar në emër të katër votuesve dhe katërfishohen votat, katërfishohet fitorja, qëndrimi në pushtet në mandatin e katërt.

Ndoshta ndaj keni zgjedh 1 për 4 meqë e kishit mandatin e katërt. Zarfet nuk kanë ardhur jo vetëm me DHL, kanë ardhur dhe me postën shqiptare. Kanë ardh me postën shqiptare është njësoj si të thuash kanë ardh me thasët e zotit Balla, sepse posta shqiptare nuk e kishte as për detyrë, nuk e kishte as në kontratë, por mbi të gjitha nuk e ka as në integritetin e vetë të ruajë një proces zgjedhor", tha Zhupa.

kuvend

Sondazh

Poll

MË SHUMË