Aktualitet

I akuzuar për masakrën e Bradasheshit dhe grabitjen në Rinas, GJKKO lë në burg Dashnor Dumanin! Ndryshon masa e sigurisë për Armis Stafën, “truri” financiar i klanit Çopja

Stafa dhe Dumani u ekstraduan nga Dubai para tre ditësh. 

14 Qershor 2025, 11:18 Nga r.ll
I akuzuar për masakrën e Bradasheshit dhe grabitjen në Rinas,
gjkko

TIRANË- Gjykata e Posaçme ka lënë në burg, Dashnor Dumanin, vëllain e bashkëpunëtorit të drejtësisë, Nuredin Dumanit.  Nga ana tjetër, GJKKO ka caktuar masën e sigurisë "arrest shtëpie" për Armis Stafën, i cili konsiderohet si “truri” financiar i klanit Çopja. Stafa dhe Dumani u ekstraduan nga Dubai para tre ditësh. 

Dashnor Dumani akuzohet për vrasje në rrethana të tjera cilësuese, vjedhje me armë dhe mbajtje pa leje të armëve. Ai dyshohet si ekzekutori i vrasjes së trefishtë në fshatin Bradashesh, në vitin 2018, ndërsa në vitin 2019 ka marrë pjesë në djegien e një automjeti të përdorur gjatë një grabitjeje me armë në Rinas. Gjithashtu ai është i dënuar nga Gjykata e Durrësit në vitin 2016 me 4 vjet e 4 muaj burgim për armëmbajtje pa leje, nga të cilat i kanë mbetur për të vuajtur edhe 1 vit e 4 muaj.

Ndërsa Artemis Stafa është i akuzuar për pastrim parash në kuadër të një organizate kriminale. Stafa ka ndihmuar në pastrimin e të ardhurave kriminale përmes shitblerjes së automjeteve, në favor të shtetasve të dyshuar F. G. (alias F. Ç.) dhe H. B. (alias H. Ç.).

dashnor dumani armis stafa

Sondazh

Poll

MË SHUMË