Aktualitet

Prokuroria e Mitrovicës ngre aktakuzë ndaj deputetit të Listës serbe, Sllavko Simiç për sulmet ndaj gazetarëve në veri

Ai akuzohet për veprën “pjesëmarrje në turmë që kryen vepër penale dhe huliganizëm”.

13 Qershor 2025, 18:41 Nga N.F
Prokuroria e Mitrovicës ngre aktakuzë ndaj deputetit të
Foto ilustruese

KOSOVË- Prokuroria Themelore në Mitrovicë ka ngritur aktakuzë ndaj deputetit të Listës Serbe, Sllavko Simiç lidhur me sulmet ndaj gazetarëve në Leposaviç qershorin e vitit 2023. Në njoftim, Prokuroria e identifikoi të akuzuarin vetëm me iniciale, por mediat raportojnë se bëhet fjalë për deputetin Simiq.

Ai akuzohet për veprën “pjesëmarrje në turmë që kryen vepër penale dhe huliganizëm”. Sipas njoftimit, Simiç më 16 qershor 2023 gjatë protestave kundër vizitës së ministrit, tashmë në detyrë të Administrimit të Pushtetit Lokal, Elbert Krasniqi, me dashje ka marrë pjesë në turmën e mbledhur prej më tepër se tetë persona.

Në momentin që nga objekti i komunës së Leposaviqit del ministri, personat civil të maskuar fillojnë të gjuajnë molotov në drejtim të mjetit rë zyrtarit. Më tej Simiç i dha urdhër turmës duke thënë që të sulmojnë mediat.

Sipas Prokurorisë, sulmi ka vazhduar në drejtim të gazetarëve fillimisht me molotov, pastaj turma i ka goditur me grushte, shqelma, mjete të forta, tulla betoni, ngjyra e sende tjera dhe gjatë këtij sulmi kishin pësuar lëndime të rënda trupore dy gazetarë.

“Ndërkaq i pandehuri tjetër U.V., si i përfshirë drejtpërdrejtë në përdorimin e forcës ndaj gazetarëve të Republikës së Kosovës, akuzohet për kryerjen e veprave penale ‘Sulmi’ dhe ‘Pjesëmarrja në turmë që kryen vepër penale dhe huliganizmi’”, u tha në njoftim, ku u shtua se Prokuroria i kërkon gjykatës që të dy të shpallen fajtorë dhe të dënohen sipas ligjit. Sulmi i 16 qershorit të vitit 2023 ishte dënuar nga politikanët vendorë dhe nga Shtetet e Bashkuara të Amerikës.

 

mitrovica e veriut lista serbe

Sondazh

Poll

MË SHUMË