Politike

"Nëse mekanizmat e shtetit kanë ndikuar në zgjedhje, atëherë janë të pavlefshme", Bylykbashi: Ne këtë duhet ta vërtetojmë! Një nga provat është vota e diasporës

Bylykbashi shtoi se ligji e thotë qartë se nëse mekanizmat e shtetit mund të kenë ndikuar në zgjedhje, atëherë zgjedhjet mund të mos jenë të vlefshme.

11 Qershor 2025, 22:33 Nga N.F

"Nëse mekanizmat e shtetit kanë ndikuar në zgjedhje,

Bylykbashi

TIRANË- Nënkryetari i Partisë Demokratike, Oerd Bylykbashi u shpreh se zgjedhjet në Shqipëri nuk do të kalojnë aq lehtë edhe në Parlamentin Evropian, sepse kur e thotë raporti paraprak i OSBE/ODIHR, ai përfundimtar me siguri do të thotë më shumë. Bylykbashi në emisionin Log. në News24 u shpreh se PD është për pavlefshmërinë e zgjedhjeve.

Bylykbashi shtoi se ligji e thotë qartë se nëse mekanizmat e shtetit mund të kenë ndikuar në zgjedhje, atëherë zgjedhjet mund të mos jenë të vlefshme. Ai shtoi se ata duhet ta vërtetojnë këtë dhe një nga provat është vota e diasporës.

“PPE ka 14 kryeministra, përfshi edhe kancelarin e Gjermanisë, dokumentat që miraton, kthehen në çështje politike. Samitin në Tiranë, Rama donte ta bëjë më 9 maj, por ne e kundërshtuam. U përpoq për efekt politik, por u detyrua ta shtyjë pas zgjedhjeve. Rama ka kurajon t’i bëjë presion ODIHR. Nëse ne shohim raportin e Komisionit të Jashtëm të BE-së, ku thuhet se mirëpresim anëtarësimin, por ndërkohë thuhet të thellohen në reforma. Kjo çështja e zgjedhjeve do të kthehet sërish në vëmendje, sepse raporti paraprak i thotë hapur problemet.

Ne jemi për pavlefshmërinë e zgjedhjeve. Ligji e thotë qartë: nëse mekanizmat e shtetit mund të kenë ndikuar në zgjedhje, atëherë zgjedhjet mund të mos jenë të vlefshme. Dhe ne këtë do të duhet ta vërtetojmë. Një nga provat është katastrofa me votën e diasporës. Nuk matet me copa të vogla, është e helmuar e tëra," tha ai.

bylykbashi

Sondazh

Poll

MË SHUMË