Aktualitet

EMRAT/ Vodhën kasafortën me 15 mijë euro në një banesë, arrestohen dy persona në Tiranë

Në pranga janë vënë Arbnor Xhimaj dhe Lejdjan Gjoka, të cilët rezultojnë të dënuar më parë për vjedhje.

4 Qershor 2025, 09:37 Nga r.ll
EMRAT/ Vodhën kasafortën me 15 mijë euro në një
vjedhja

TIRANË- Dy persona janë arrestuar në Tiranë pasi akuzohen se kanë vjedhur kasafortën me 15 mijë euro në një banesë në rrugën “Muhamet Gjollesha”. Në pranga janë vënë Arbnor Xhimaj dhe Lejdjan Gjoka, të cilët rezultojnë të dënuar më parë për vjedhje. Xhimaj ishte me masë sigurie “arrest në shtëpi”, për veprën penale “Vjedhja”.

 

Sipas raportimeve banesa ku është vjedhur kasaforta ishte e mjekut Dritan Alushani. 

NJOFTIMI I POLICISË: 

Tiranë/Finalizohet operacioni policor i koduar “Reagimi”, për goditjen e veprimtarisë kriminale në fushën e vjedhjes.

Vodhën kasafortën me 15 000 euro, në një banesë, identifikohen, kapen dhe vihen në pranga 2 shtetas.

Të 2 të arrestuarit, të dënuar më parë për vjedhje. Njëri prej tyre, aktualisht me masë sigurie “Arrest në shtëpi”, për këtë vepër penale.

Sekuestrohet automjeti i dyshuar i përdorur nga autorët, për të realizuar vjedhjen.

Specialistët për Hetimin e Krimeve të Komisariatit të Policisë Nr. 2 në bashkëpunim me Drejtorinë Vendore të Policisë Vlorë, pas kallëzimit nga një shtetas, se i kishin vjedhur kasafortën me një shumë parash, në banesë, kanë organizuar dhe finalizuar operacionin policor të koduar "Reagimi", për zbardhjen e rastit.

Si rezultat i operacionit u identifikuan, u kapën dhe u vunë në pranga shtetasit:
A. Xh., 40 vjeç dhe L. Gj., 38 vjeç, të dy banues në Vlorë, të dënuar më parë për vjedhje. Nga verifikimet rezultoi se shtetasi A. Xh. ishte me masë sigurie “Arrest në shtëpi”, për veprën penale “Vjedhja”.

Nga hetimet e kryera gjatë operacionit dyshohet se këta shtetas, më datë 02.06.2025, kanë vjedhur një kasafortë me 15 000 euro, në një banesë në rrugën “Muhamet Gjollesha”.

Materialet procedurale i kaluan Prokurorisë, për veprime të mëtejshme.

vjedhje ne tirane arbnor xhimaj lejdjan gjoka

Sondazh

Poll

MË SHUMË