Aktualitet

Presion ndaj prindërve për të mos protestuar? Kryebashkiaku i Gramshit: Të dalin e të thonë kush! Një person e ka tejkaluar shqetësimin qytetar dhe familjar për të bërë politikë

Sipas tij prindërit që kanë këto pretendime është një person që po e përdor rastin për të bërë politikë.

26 Maj 2025, 11:44 Nga N.F
Presion ndaj prindërve për të mos protestuar? Kryebashkiaku i
Ajazi

GRAMSH- Kreu u Bashkisë Grash, Besion Ajazi në një deklaratë para mediave u pyet nga gazetarët në lidhje me deklaratat e prindërve se janë intimiduar për të mos protestuar në lidhje me helmimin e fëmijëve. Ajazi u shpreh se prindërit duhet të japin emra se kush u ka bëre presion.

Sipas tij prindërit që kanë këto pretendime është një person që po e përdor rastin për të bërë politikë. Ai theksoi se në lidhje me helmimin e fëmijëve nuk mund të dalin në përfundime pas patur përgjigjet përfundimtare të institucioneve në lidhje me shkaqet.

"Ta gjejnë arsyen ISHP, Policia, institucionet dhe nëse ka shkelje, të merren masat përkatëse. Kompania që ka marrë të drejtën për ushqimet në Gramsh ka fituar tenderin. Nuk ka rast të një produkti ushqimor pa fletë analize. Nuk mundet që kryetari i Bashkisë të dijë vlerën e tenderit, me këtë merren të tjera instanca. 

 Thonë se na kanë bërë po të tregojnë se kush u ka bërë presion. Kjo nuk është cështje se prandaj them që disa persona më saktë një person e ka tejkaluar shqetësimin qytetar dhe familjar.

Një person po e shfrytëzon rastin e fëmijës së vet për të bërë politikë. Nuk do të doja kurrë të ndodhesh në kërtë situatë. Ne nuk mund të shkojmë në përfundime pa patur përfundimet e institucioneve përgjegjëse," tha ai.

helmimi i femijeve ne gramsh

Sondazh

Poll

MË SHUMË