Politike

"Asfaltit elektoral ju hoq peta e lakrorit me shirat e verës," Çollaku: Kjo është vjedhje, rrugë pas asnjë standart! Votat ikën bashkë me paratë

Çollaku shtoi se kjo rrugë është e pafunksionueshme dhe është vjedhje, një abuzim me paratë e banorëve.

24 Maj 2025, 22:15 Nga N.F
"Asfaltit elektoral ju hoq peta e lakrorit me shirat e verës,"
Rruga

MAT- Kandidati për deputet i Partisë Demokratike në Mat, Basir Çollaku përmes një postimi në "Facebook" ka denoncuar gjendjen e rrugës së asfaltuar së fundmi në zonën e Gurrës së Madhe. Çollaku shkruan se asfaltit elektoral i është prishur një pjesë për shkak të shiut. 

Ai thekson se kjo rrugë nuk përmbush asnjë standard minimal, pasi është e ngushtë, vetëm 3 metra gjerësi, pa sistem kanalizimi dhe me një cilësi të dobët të asfaltimit. Çollaku shtoi se kjo rrugë është e pafunksionueshme dhe është vjedhje, një abuzim me paratë e banorëve. Sipas tij është bërë me pretendimin për një votë më shumë, por sot është një rrugë më pak, jo më shumë.

"Rruga e Gurres se Madhe. Asfaltit elektoral ju hoq peta e lakrorit me shirat e verës. Rruge pa asnje lloj standarti. 3 metër gjerësi nuk ka asnje kanalizim.. Ka jo më tepër se një javë qe është asfaltuar dhe ka filluar prishja. Banorë të fisëm të kësaj treve.

Kjo është vjedhje. Abuzim parave tuaja. Me pretendimin e një vote në shumë. Por sot kemi një rrugë më pak. Natyrisht kjo është referuar në SPAK dhe do të përcillen materiale shtesë. Prona dhe paraja publike është e shenjtë. Mashtrimi elektoral nuk vlen. Votat ikën bashkë me paratë," shkruan ai.

"Asfaltit elektoral ju hoq peta e lakrorit me shirat e verës,"

collaku

Sondazh

Poll

MË SHUMË