Aktualitet

Shpërthen bombola e gazit në lagjen “Konferenca e Pezës", plagosen dy persona, mes tyre edhe një zjarrfikës

Nga shpërthimi kanë mbetur të lënduar një zjarrfikës i përfshirë në operacionin e shpëtimit dhe një banor i ndërtesës, identiteti i të cilëve ende nuk është bërë publik.

11 Maj 2025, 12:00 Nga N.F
Shpërthen bombola e gazit në lagjen “Konferenca e
Pamje nga vendi i ngjarjes

FIER- Një shpërthim është regjistruar paraditen e sotme në lagjen “Konferenca e Pezës në Fier. Mësohet se një bombol gazi ka shpërthyer ku për pasojë janë plagosur dy persona.

Në vendngjarje kanë mbërritur dy mjete zjarrfikëse, dy autoambulanca dhe forca të shumta policie. Nga shpërthimi kanë mbetur të lënduar një zjarrfikës i përfshirë në operacionin e shpëtimit dhe një banor i ndërtesës, identiteti i të cilëve ende nuk është bërë publik.

Të dy të plagosurit janë transportuar në spital dhe ndodhen jashtë rrezikut për jetën. Policia dhe ekspertët zjarrfikës kanë nisur hetimet për të zbardhur rrethanat e ngjarjes. 

Njoftimi i Policisë:

Fier/Informacion paraprak Rreth orës 11:20, në lagjen "Konferenca e Pezës", në banesën e shtetasit E. H., ka shpërthyer një bombël gazi ku për pasojë është dëmtuar dhe ndodhet në spital për mjekim pronari i banesës. Gjatë ndërhyrjes së shërbimeve të Policisë dhe forcave zjarrfikëse, bombula ka pasur një shpërthim të dytë dhe për pasojë janë dëmtuar 2 punonjës të policisë, shtetasi Xh. P. dhe I. K., si edhe një punonjës i zjarrfikëses, shtetasi Sh. K., të cilët po marin mjekim në spital, jashtë rrezikut për jetën. Grupi hetimor po punon për zbardhjen e plotë të rrethanave të ngjarjes.

shperthen bombola e gazit

Sondazh

Poll

MË SHUMË