Sport

Girona frikë për Michelin, trajneri përfundon në spital: "Vetëm disa ditë pushim"…

“Jam i sigurt se ky grup, pavarësisht mungesës sime, do të japë gjithçka nga vetja, si gjithmonë, në mënyrë që tifozët tanë të ndihen krenarë për klubin dhe vlerat që ai përfaqëson”

9 Maj 2025, 14:32 Nga DOSJA
Girona frikë për Michelin, trajneri përfundon në spital:

SPANJE - Në Girona ka një shqetësim të madh për trajnerin Michel. Këtë mëngjes klubi bardhekuq njoftoi se tekniku ishte shtruar në spital për një problem shëndetësor.

“49-vjeçari po mbahet nën mbikëqyrje mjekësore si masë paraprake, por është absolutisht jashtë rrezikut për jetën. Ai po merr kujdesin e duhur dhe shpresojmë për shërimin e tij në ditët në vijim.”

Natyrisht, ai nuk do të jetë në stol kundër Villarrealit: skuadra do të drejtohet nga ndihmësi Salva Fúnez. Vetë Michel shkroi në rrjetet sociale: “Pasi dëgjova këshillat e mjekëve, të cilët i falënderoj për kujdesin dhe profesionalizmin e tyre, do të më duhet të marr disa ditë pushim për t’u rikuperuar dhe për t’u rikthyer në fushë sa më shpejt të jetë e mundur.

Ndihem mirë, jam nën vëzhgim mjekësor dhe tashmë po numëroj ditët deri sa të mund të kthehem në punë dhe të vazhdoj të luftoj për pjesën tjetër të sezonit.

Jam i sigurt se ky grup, pavarësisht mungesës sime, do të japë gjithçka nga vetja, si gjithmonë, në mënyrë që tifozët tanë të ndihen krenarë për klubin dhe vlerat që ai përfaqëson. Dua të falënderoj familjen Girona për shprehjet e tyre të dashurisë, mesazhet dhe të gjithë njerëzit që kanë qenë të shqetësuar për situatën time.

Do të më duhet të shtrohem në spital për disa ditë për vëzhgim. Jam i detyruar ta ndjek ndeshjen nga një vendndodhje tjetër, por do të jem gjithmonë në kontakt me ekipin tim. Shihemi së shpejti".

B.T (Dosja.al)

Sondazh

Poll

MË SHUMË