Sport

Manuel Neuer do të rikthehet në portën e Bayernit ndaj Borussia M’Gladbach…

Më shumë se dy muaj pasi këputi muskulin e pulpës së djathtë, portieri gjerman Manuel Neuer pritet të luajë kundër Borussia Mönchengladbach të shtunën (ora 18:30) në javën e 33-të të Bundesligës.

9 Maj 2025, 12:30 Nga DOSJA
Manuel Neuer do të rikthehet në portën e Bayernit ndaj Borussia

GJERMANI - “Nëse gjithçka shkon mirë, Manu do të kthehet. Shpresoj kështu.” Kështu u shpreh në një konferencë për shtyp të premten, trajneri i Bayern Munich, Vincent Kompany, i cili njoftoi se portieri i tij 39-vjeçar ishte afër rikthimit në garë.

Mynihu pret Borussia Mönchengladbach (e 9-ta) të shtunën (18:30) për ditën e 33-të të Bundesligës. Gjermani do të rifitojë shiritin e kapitenit.

Neuer dëmtoi pulpën e djathtë më 5 mars, ndërsa festonte një gol të Jamal Musiala në ndeshjen e parë të raundit të 16-tave të Ligës së Kampionëve kundër Bayer Leverkusen (3-0). Gjatë mungesës së tij, ai u zëvendësua nga i riu Jonas Urbig (21 vjeç), i rekrutuar këtë dimër nga Këlni.

Javën e kaluar, Neuer, i cili është nën kontratë me Bayernin deri në vitin 2026, u rikthye në stol për barazimin 3-3 në RB Leipzig. Pasi fitoi titullin e Gjermanisë për të 34-tën herë të dielën e kaluar, Bayerni do të marrë Meisterschale, trofeun në formë pjate, në fund të ndeshjes.

Kjo do të jetë edhe ndeshja e fundit në shtëpi e legjendës së klubit, mesfushorit sulmues Thomas Müller, paraqitja e tij e 750-të zyrtare me ngjyrat e Mynihut.

B.T (Dosja.al)

Sondazh

Poll

MË SHUMË