Aktualitet

"Zv.ministri për Sigurinë Ushqimore dhe Veterinarinë akuzohet sot për blerje votash", Resuli: Pse ky njeri nuk reagoi kurrë për skandalet ushqimore? SPAK të marrë masa

Ndër këto skandale, Resuli cilëson si më të rëndin kontrabandën e lopëve me brucelozë nga Greqia që hynin në Korçë, duke rrezikuar direkt shëndetin publik dhe blegtorinë shqiptare. Sipas tij, reagimet nga ana e Jaupllarit mund të kenë munguar sepse kompanitë e përfshira në këto skandale mund t’i kenë financuar fushatën.

9 Maj 2025, 10:28 Nga r.ll
"Zv.ministri për Sigurinë Ushqimore dhe Veterinarinë
arjan jaupllari

TIRANË- Presidenti i Urdhrit Veterinar, Ervin Resuli ka reaguar lidhur me raportimet se kandidati për deputet në Korçë i Partisë Socialiste Arjan Jaupllari, është kapur duke blerë vota me lekë.

Përmes një reagimi në Facebook, Resuli pas publikimt të lajmit te Dosja.al, shkruan se zëvendësministri për Sigurinë Ushqimore dhe Veterinarinë, njëherazi personi përgjegjës për ndjekjen e çështjeve të sigurisë ushqimore dhe Kryetar i Komisionit të PMB në Ministri të Bujqësisë Arjan Jaupllari, sot po akuzohet për krime zgjedhore.

Ndërsa shprehet se shpreson të jetë sulm politik, po ashtu ngre dyshimet se përse Jaupllari nuk reagoi kurrë lidhur me tregtimin e produkteve ushqimore të cilët kishin prani të pesticideve dhe baktereve helmuese. 

Ndër këto skandale, Resuli cilëson si më të rëndin kontrabandën e lopëve me brucelozë nga Greqia që hynin në Korçë, duke rrezikuar direkt shëndetin publik dhe blegtorinë shqiptare. Sipas tij, reagimet nga ana e Jaupllarit mund të kenë munguar sepse kompanitë e përfshira në këto skandale mund t’i kenë financuar fushatën. Resuli i bën thirrje SPAK të veprojë menjëherë, pasi shprehet se nuk bëhet fjalë për politikë po për shëndet njerëzish.

POSTIMI I PLOTË:

Nuk çuditem aspak…

Zëvendësministri për Sigurinë Ushqimore dhe Veterinarinë, njëherazi personi përgjegjës për ndjekjen e çështjeve të sigurisë ushqimore dhe Kryetar i Komisionit të PMB ne Ministri te Bujqesise , sot akuzohet për blerje votash.

Unë shpresoj të jetë një sulm politik, por lind një dyshim i arsyeshëm:

Pse ky njeri nuk reagoi kurrë për:

Mandarinasit me pesticide,

Filetot e pulës me salmonelë,

Luleshtrydhet e kontaminuara,

Qumështin me aflatoksinë,

Dhe më e rënda: kontrabandën e lopëve me brucelozë nga Greqia që hynin në Korçë, duke rrezikuar direkt shëndetin publik dhe blegtorinë shqiptare?

Asnjë reagim, asnjë transparencë, asnjë përgjegjësi!

A mos ndoshta sepse kompanitë e përfshira në këto skandale mund t’i kenë financuar fushatën?

Nëse po, kemi përballë një krim institucional të heshtur, që ka vënë jetën e shqiptarëve në rrezik për interesa klienteliste.
#SPAK duhet të veprojë menjëherë – këtu nuk flasim për politikë, por për shëndetin e fëmijëve tanë.

Nuk mund të helmohet një popull që një palaco të blejë vota!

ervin resuli arjan jaupllari

Sondazh

Poll

MË SHUMË