Aktualitet

Zgjidhet Papa i ri/ Presidenti i KISH uron kreun e Kishës Katolike: Ne e falenderojmë Zotin dhe i lutemi që Papa të ketë ndihmën dhe mbrojtjen e Hyjit e të Zojës së Këshillit të mirë

Dom Gjergj Meta tha se katolikët shqiptarë kanë qenë gjithmonë besnikë ndaj Papës deri në martirizim. Ai tha se ishte i sigurt se të gjithë shqiptarët ushqejnë një afeksion të sinqertë ndaj Papës pavarësisht besimit të tyre.

8 Maj 2025, 20:27 Nga M.L
Zgjidhet Papa i ri/ Presidenti i KISH uron kreun e Kishës Katolike: Ne e
Foto ilustruese

TIRANË- Presidenti i Konferecës Ipeshkvore të Shqipërisë, Dom Gjergj Meta ka uruar Papën e ri të Vatikanit, Leoni XIV që u zgjodh pak orë më parë. Dom Gjergj Meta tha se katolikët shqiptarë kanë qenë gjithmonë besnikë ndaj Papës deri në martirizim. Ai tha se ishte i sigurt se të gjithë shqiptarët ushqejnë një afeksion të sinqertë ndaj Papës pavarësisht besimit të tyre.

“Në emër të Ipeshkvinjëve dhe të gjithë katolikëve në Shqipëri i uroj Papa Leonit XIV zgjedhjen e tij në krye të Kishës katolike. Kardinalët sot i dhanë një Ipeshkëv Romës dhe një Bari Kishës Universale. Ne e falenderojmë Zotin dhe i lutemi që Papa të ketë ndihmën dhe mbrojtjen e Hyjit e të Zojës së Këshillit të mirë.

Katolikët shqiptarë kanë qenë gjithmonë besnikë ndaj Papës deri në martirizim. Edhe Papa Leonit XIV i ripërtërijmë besnikërinë dhe bindjen tonë si pasardhës i Pjetrit në krye të Kishës së Romës. Jam i sigurt se të gjithë shqiptarët ushqejnë një afeksion të sinqertë ndaj Papës pavarësisht besimit të tyre. Shpresojmë që shumë shpejt ta shohim Papën Leoni në Shqipëri”, tha Dom Gjergj Meta.

dom gjergj meta

Sondazh

Poll

MË SHUMË