Politike

Rama komenton shpalljen non grata të Berishës: Ai e di nga se i ka ardhur, s'kam lidhje as unë as Soros

Rama shtoi se Berisha është kapur pas kësaj narrative pasi nuk ka çfarë të thotë tjetër. 

5 Maj 2025, 21:47 Nga I.A

Rama komenton shpalljen non grata të Berishës: Ai e di nga se i ka

TIRANË- Kryeministri Edi Rama ka komentuar shpalljen 'non grata' të kryedemokrati Sali Berisha. I ftuar në emisionin 'Të Paekspozuarit' në MCN Tv, Rama tha se është vetë ai që e din se nga i ka ardhur kjo gjë pasi aty nuk ka gisht as Soros-i dhe as ai. Rama shtoi se Berisha është kapur pas kësaj narrative pasi nuk ka çfarë të thotë tjetër. 

"Bufin e kënetës ti e njeh mirë. As ai vetë nuk e beson atë që thotë. Ai e di shumë mirë nga çfarë i ka ardhur ajo që i ka ardhur. Ai e di që nuk ka lidhje George Soros dhe as unë. Është kapur pas asaj narrative, sepse diçka do ta thotë. Që të mendosh se mundet një kryeministër, i një vendi si Shqipëria, ose kushdo, Princi i Kurorës së Arabisë Saudite, të ndikojë një firmë të vetme nga Sekretari i DASH, do të thotë të mos njohësh Amerikën. 

Nuk funksionon kështu. Po të ishin SHBA-të një vend që mund të merreshin për hunde nga interesat politike të një vendi atje, apo paratë e kujtdoqoftë, nuk do të ishin superfuqi botërore. Sa ka para bota dhe sa naftë ka, sa ar dhe diktatorë ka bota, që do ta kishin futur në thes Amerikën? Ata nuk kanë mundur ta ndikojnë Amerikën në asnjë mënyrë. Ku blihet Amerika me lekë? Ti merr lekët dhe të këput dhe kokën. Historira pastaj budallallëqe, Soros, McGonigal, janë budallallëqe, nuk funksionon kështu. Bufi e di shumë mirë nga i ka ardhur, është i qartë në gjithçka. Nuk e tregon dot ai nga i ka ardhur", tha Rama. 

edi rama sali berisha

Sondazh

Poll

MË SHUMË