Politike

Takimi përmbyllës i fushatës në Burrel, Berisha mban 1 minutë heshtje për Ditën e Dëshmorëve: Lavdi të rënëve të kombit tonë!

Ai u shpreh se me ardhjen në qeveri, Partia Demokratike do t'i rikthejë lirinë dhe dinjitetin shqiptarëve. 

5 Maj 2025, 12:00 Nga r.ll
Takimi përmbyllës i fushatës në Burrel, Berisha mban 1
sali berisha

BURREL- Koalicioni "Partia Demokratike- Aleanca për Shqipërinë Madhështore" zhvillon sot takimin përmbyllës të fushatës elektorale në qytetin e Burrelit. 

Kreu i PD-së, Sali Berisha teksa mori fjalën në podium ka kërkuar që të mbahet 1 minutë heshtje për nder të Ditës së Dëshmorëve. Ai u shpreh se me ardhjen në qeveri, Partia Demokratike do t'i rikthejë lirinë dhe dinjitetin shqiptarëve. 

"Të dashur matjane dhe matjanë, nderimin tim më të madh për ju, mirënjohjen më të pakufishme dhe përshëndetjet më të përzemërta për mbështetjen e madhe që më keni dhënë mua dhe PD-së, për qëndrimin e Matit ndaj historisë, kontributin e tij në historinë kombëtare. Të dashur miq, ne mblidhemi këtu në një ditë që është dita e të rënëve të kombit. Ndaj u ftoj të nderojmë me 1 minutë heshtje të rënët e gjitha kohërave të kombit shqiptar, të cilëve sot u detyrohemi më shumë se kurrë, t’i rikthejmë lirinë dhe dinjitetin shqiptarëve. Lavdi të rënëve të kombit tonë!", u shpreh Berisha.

sali berisha ne burrel

Sondazh

Poll

MË SHUMË