Politike

"Vija këtu, fol e fol, kot. Bum! Humbje!" Rama në Shkodër: Qyteti i shërbente dy personave, një të vdekuri dhe një të gjalli

Rama tha se Hoxha, në botën tjetër, ka jetuar me kënaqësinë që shkodranët i qëndruan deri në fund mallkimit të tij dhe u vetëizoluan me një komunizëm që nuk ekzistonte më.

4 Maj 2025, 12:10 Nga M.B
"Vija këtu, fol e fol, kot. Bum! Humbje!" Rama në
Edi Rama

SHKODRA-Kryeministri Edi Rama ka zhvilluar sot një takim elektoral në Shkodër. Rama foli sërish në Shkodër për humbjet në të kaluarën. Ai tha se se qyteti i shërbente dy personave, një të vdekuri dhe një të gjalli duke nënkuptuar ish-diktatorin Enver Hoxha dhe kreun e PD-së Sali Berisha. Rama tha se Hoxha, në botën tjetër, ka jetuar me kënaqësinë që shkodranët i qëndruan deri në fund mallkimit të tij dhe u vetëizoluan me një komunizëm që nuk ekzistonte më.

“Shpresoj që Shkodra të mos dalë veç nga treni i fitores tonë në të gjithë Shqipërinë, që Shkodra ta ketë kapërcyer problemin psikologjik që kishte falë këtyre dy viteve se me thënë të drejtën ma ka nxi jetën. Vija këtu, fol e fol, kot. Bum! Humbje. Edhe thosha ca njerëzish janë këta, si ka mundësi që jetojnë mes plehrave, që jetojnë në këtë qytet që ka më shumë se të tjerët bekimet e zotit, me lum, liqen, det e mal dhe këta janë sikur jetojnë në 90. Të paktën të thonë po mirë mo hajt ta provojmë njëherë këtë budallin e gjatë. Se i provuam këta të mençurit dhe na mbajtën në bërllok.

Komunizmi ka vdekur me kohë, edhe Shkodra i shërbente vetëm dy njerëzve një të vdekur dhe një të gjalli, që sot ka vdekur po kujton se është gjallë. I pari Enver Hoxha, matanë në botën tjetër, ka jetuar me kënaqësinë që shkodranët i qëndruan deri në fund mallkimit të tij dhe u vetëizoluan me një komunizëm që nuk ekzistonte më. I mbajti peng Hoxha 30 e kurus vite, ndërkohë që i besoshin bufit që erdhi nga komunizmi dhe përdori të gjithë metodat e komunizmit. Madje edhe para një muaji e gjysmë prapë komunist deri në fund, nga ata më të këqinjtë”, tha Rama. 

edi rama

Sondazh

Poll

MË SHUMË