Politike

Mungesa e ambasadorit amerikan në Tiranë, Rama: SHBA është mjaftueshëm afër Shqipërisë, nuk e shoh si largim të tyre

Lidhur me funksionimin e tyre të brendshëm, Rama tha se nuk është çështje e tij për ta komentuar.

3 Maj 2025, 22:58 Nga r.ll
Mungesa e ambasadorit amerikan në Tiranë, Rama: SHBA është
edi rama

TIRANË- Që prej 26 qershorit 2023, kur Yuri Kim u largua nga Shqipëria, Shtetet e Bashkuara të Amerikës nuk kanë dërguar ende një ambasador në vendin tonë, ndërsa janë përfaqësuar nga e Ngarkuara me Punë, Nancy VanHorn.

Mungesën e një ambasadori amerikan në vend, Rama tha në intervistën për A2CNN se nuk e sheh si largim të amerikanëve. Lidhur me funksionimin e tyre të brendshëm, Rama tha se nuk është çështje e tij për ta komentuar.

“Unë kam ndërprerë bërjen e lajmeve për takimet me ambasadorët që kur kam ardhur në detyrë, edhe kur isha në bashki nuk bëja... vetëm në raste të rralla, sepse më duket gjëja më e pakuptimtë.

SHBA janë mjaftueshëm afër Shqipërisë dhe nuk shoh asnjë largim. Ndërkohë që për sa i përket funksionimit të tyre të brendshëm, nuk është çështja ime, është çështja e tyre”, tha kryeministri.

edi rama

Sondazh

Poll

MË SHUMË