Aktualitet

"40% e mostrave dalin të kontaminuara!" AKU zbulon aflatoksinë kancerogjene në analizat qumështit në Vlorë

Kjo është një substancë që mund të jetë e rrezikshme për shëndetin, veçanërisht për fëmijët.

26 Prill 2025, 11:48 Nga M.B
"40% e mostrave dalin të kontaminuara!" AKU zbulon
Foto ilustruese

VLORA- Autoriteti Kombëtar i Ushqimit ka konfirmuar praninë e aflatoksinës M1 në disa mostra qumështi të analizuara në qytetin e Vlorës. Kjo është një substancë që mund të jetë e rrezikshme për shëndetin, veçanërisht për fëmijët.

Mësohet se nga janari deri në prill 2025, AKU analizoi 26 mostra të ndryshme qumështi dhe nënproduktesh të tij në Vlorë. Rezultatet treguan se 10 nga këto mostra, pra afro 40%, përmbanin nivele të aflatoksinës M1 mbi kufijtë e lejuar nga standardet e sigurisë ushqimore.

Pas konfirmimit të analizave laboratorike të kryera në Institutin e Sigurisë Ushqimore dhe Veterinare, njoftohet se AKU nisi verifikimet në pikat e shitjes ku dyshohej se ishin shpërndarë produktet e kontaminuara.

Po ashtu thuhet se të gjitha produktet e identifikuara si të pasigurta janë tërhequr nga tregu për të mbrojtur shëndetin e konsumatorëve. Ndërkohë, qytetarët në Vlorë këshillohen të jenë të kujdesshëm dhe të ndjekin me vëmendje njoftimet e AKU-së lidhur me sigurinë ushqimore.

aku qumeshti

Sondazh

Poll

MË SHUMË