Sport

UEFA mendon për revolucion në Champions League, si të hiqet koha shtesë apo dhe…!

Faza gjysmëfinale e Champions League është në prag, por ndërkohë UEFA është duke menduar për tre ndryshime rrënjësore në këtë kompeticion.

23 Prill 2025, 16:36 Nga DOSJA

GJERMANI - Faza gjysmëfinale e Champions League është në prag, por ndërkohë UEFA është duke menduar për tre ndryshime rrënjësore në këtë kompeticion. Qeveria e futbollit europian aktualisht po mbledh opinione nga klubet në lidhje me formatin e ri.

Komiteti i Garave të Klubeve në UEFA, i cili përfshin drejtorin e Bayer Leverkusen, Fernando Carro, do të takohet më 30 maj në Munich për të diskutuar ndryshimet e mundshme dhe për t’i propozuar rekomandime Komitetit Ekzekutiv të UEFA-s, të udhëhequr nga drejtori i Borussia Dortmund, Hans-Joachim Watzke.

UEFA mendon për revolucion në Champions League, si të hiqet koha

Një nga ndryshimet e propozuara është heqja e kohës shtesë prej 30 minutash në raundet me eliminim direkt dhe në vend të kësaj, fituesi të përcaktohet direkt nga penalltitë, nëse rezultati pas 90 minutave është i barabartë. Ky ndryshim synon të reduktojë lodhjen e lojtarëve.

Një tjetër sugjerim është për shpërblimin e klubeve, që përfundojnë në tetëshen më të mirë të fazës së ligës, me avantazhin si vendas për ndeshjet e kthimit në çerekfinale dhe gjysmëfinale.

Një ndryshim i tretë i propozuar është rivendosja e rregullit të mbrojtjes së “shteteve”, i cili do të parandalonte klubet nga i njëjti vend të përballeshin në fazat e eliminimit para çerekfinales.

B.T (Dosja.al)

Sondazh

Poll

Sport 23 Prill 2025, 16:13

Hansi Flick mbron Carlo Ancelottin...

SPANJE - Pak ditë para finales së Kupës së Mbretit (të shtunën, në orën 22:00), trajneri i Barçës, Hansi Fli...

MË SHUMË