Aktualitet

Masa ajrore të paqëndrueshme dhe vranësira, parashikimi i motit për ditën e sotme

Parashikohet që orët e pasdites dhe në vijim të dominohen nga vranësira dhe shira me intensitet të ulët deri mesatar në zonat malore Lindore.

22 Prill 2025, 07:11 Nga N.F
Masa ajrore të paqëndrueshme dhe vranësira, parashikimi i motit
Foto

TIRANË- Vendi ynë do të mbetet nën ndikimin e masave ajrore të paqëndrueshme. Pjesa e parë e ditës do të dominohet nga kthjellime dhe vranësirave të shpeshta të cilat pas-mesditës pritet shtim i tyre duke sjellë reshje shiu në pjesën më të madhe të vendit, më të theksuara në skajin Verior dhe verilindor, ku shirat do të jenë në formë shtrëngate.

Parashikohet që orët e pasdites dhe në vijim të dominohen nga vranësira dhe shira me intensitet të ulët deri mesatar në zonat malore Lindore. Temperaturat e ajrit do të pësojnë rritje në mëngjes, por vijojnë konstante në mesditë duke u luhatur nga 6°C vlera minimale e shënuar në qytetin e Peshkopisë deri në 26°C vlera më e lartë e cila pritet në qarkun e Fierit.

Era do të fryjë mesatare deri e fortë me shpejtësi mbi 40 km/h nga drejtimi kryesisht Veriperëndimor; kjo do të bëj që në brigjet detare të krijohet dallgëzim 4 ballë.

parashikimi i motit

Sondazh

Poll

MË SHUMË