Bota

Ndarja nga jeta e Papa Françeskut, Argjentina shpall shtatë ditë zie

Papa Françesku ndërroi jetë ditën e sotme në moshën 88-vjeçare. Vdekja e tij u njoftua nga kardinali Kevin Farrell në një deklaratë të lëshuar nga Vatikani. Vatikani njoftoi se Ati i Shenjtë ka ndërruar jetë mëngjesin e ditës së sotme.

21 Prill 2025, 16:52 Nga E. D
Ndarja nga jeta e Papa Françeskut, Argjentina shpall shtatë
fotot ilustruese

ARGJENTINË- Argjentina do të shpallë një javë zie për vdekjen e Papa Françeskut, tha të hënën zëdhënësi presidencial Manuel Adorni.

“Papa Françesku, Jorge Bergoglio, ka ndërruar jetë. Udhëheqësi shpirtëror dhe udhërrëfyes i miliona burrave dhe grave. Presidenti i kombit do të dekretojë shtatë ditë zie kombëtare për vdekjen e Atit të Shenjtë”, tha zëdhënësi.

Papa Françesku ndërroi jetë ditën e sotme në moshën 88-vjeçare. Vdekja e tij u njoftua nga kardinali Kevin Farrell në një deklaratë të lëshuar nga Vatikani. Vatikani njoftoi se Ati i Shenjtë ka ndërruar jetë mëngjesin e ditës së sotme.

Në deklaratën që u lexua nga kardinali Kevin Farrell thuhet se e gjithë jeta e Papës iu kushtua shërbimit të Zotit dhe Kishës së Tij. Më tej thuhet se Papa i mësoi të jetojnë vlerat e Ungjillit me besnikëri, guxim dhe dashuri universale, veçanërisht në favor të më të varfërve dhe më të margjinalizuarve.  

Ati i Shenjtë ishte i pari papë nga Amerika e Jugut dhe njëkohësisht i pari papë Jezuit. Kohët e fundit shëndeti i tij u përkeqësua shumë si pasojë e pneumonisë, sëmundje që shënjoi jetën e tij që në moshën 21-vjecare, ku si pasojë e pneumonisë, ai iu nënshtrua një ndërhyrjeje kirurgjikale, ku ju hoq pjesa e sipërme e mushkërisë së djathtë.

papa françesku argjentina

Sondazh

Poll

MË SHUMË