Aktualitet

U kap duke punuar në fermë kanabisi/ Dënohet me tre vite burg shqiptari në Francë, gjykata urdhëron deportimin e tij pas përfundimit të dënimit

Sipas mediave franceze plantacioni me kanabis u zbulua në një fshat të qetë me vetëm 250 banorë, në zonën midis Mende dhe Saint-Chély-d’Apcher, në Lozère.

20 Prill 2025, 15:58 Nga E. D
U kap duke punuar në fermë kanabisi/ Dënohet me tre vite burg
foto ilustruese

FRANCË- Një 32-vjeçar shqiptar është dënuar nga autoritet franceze me tre vite burg, pasi u kap duke punuar në një fermë kanabisi. Sipas mediave franceze plantacioni me kanabis u zbulua në një fshat të qetë me vetëm 250 banorë, në zonën midis Mende dhe Saint-Chély-d’Apcher, në Lozère.

Gjithashtu brenda një shtëpie shumëkatëshe, autoritetet sekuestruan 132 bimë marijuane si dhe pajisje të specializuara për kultivimin e tyre. Çdo kat i ndërtesës ishte përshtatur për faza të ndryshme të kultivimit, duke e kthyer banesën në një laborator të sofistikuar të paligjshëm.

Gjykata urdhëroi gjithashtu deportimin e tij pas përfundimit të dënimit, duke i ndaluar kthimin në Francë në mënyrë të përhershme. Autoritetet franceze e cilësuan këtë rast si një goditje të rëndësishme kundër kultivimit të paligjshëm të drogës në zona rurale të vendit, ku shpesh aktivitetet kriminale përpiqen të kalojnë pa u vënë re.

policia franceze

Sondazh

Poll

MË SHUMË