Politike

"Qeveria ime është e gjitha në detyrë!" Rama për arrestimet e funksionarëve të lartë: Në procese me drejtësinë janë ish-ministra

Gjithashtu Rama shtoi se nëse sot ka ish-ministra, kryetarë bashkie, ose figura zyrtare me probleme të hapura me drejtësinë, nuk e solli as Amerika dhe as BE, por vetë ai dhe Partia Socialiste.

17 Prill 2025, 09:23 Nga M.B
"Qeveria ime është e gjitha në detyrë!" Rama
Edi Rama

TIRANA- Kryeministri Edi Rama ka vijuar dhe sot bashkbisedimin me komentuesit në Facebook në rubrikë "Sy m'sy". Rama tha qeveria e tij është e gjitha në detyrë. Ai tha se në procese me drejtësinë janë ish-ministra dhe nuk janë as sa çereku i qeverisë që ai ka sot. Gjithashtu Rama shtoi se nëse sot ka ish-ministra, kryetarë bashkie, ose figura zyrtare me probleme të hapura me drejtësinë, nuk e solli as Amerika dhe as BE, por vetë ai dhe Partia Socialiste.

"Qeveria ime është e gjitha në detyrë dakord. Në procese me drejtësinë janë ish-ministra dhe nuk janë as sa çereku i qeverisë që unë kam sot, në numër, pa harruar se kam pasur mbi 60 ministra. Nëse sot ka ish-ministra, kryetarë bashkie, ose figura zyrtare me probleme të hapura me drejtësinë, si erdhi kjo ditë? E solli Zoti?

E solli Amerika me aeroplan apo BE-ja me anije? Nuk ke parë kurrë një individ të fortë të lidhur me pushtetin, apo qoftë kriminele, të botës së krimit nga ata me damkë që të jenë nën goditjen e shpatës së drejtësisë", tha Rama.

edi rama

Sondazh

Poll

MË SHUMË