Politike

"Pritet të vijë edhe kancelari i ri i Gjermanisë!" Rama: Tirana do të jetë epiqendra e politikës evropiane me 16 maj

Ai shtoi se në takimin e liderëve europianë në Tiranë, pritet të jetë i pranishëm edhe kancelari i ri i Gjermanisë Friedrich Merz.

17 Prill 2025, 08:34 Nga M.B
"Pritet të vijë edhe kancelari i ri i Gjermanisë!"
Edi Rama

TIRANA- Kryeministri Edi Rama ka vijuar dhe sot bashkbisedimin me komentuesit në Facebook në rubrikë "Sy m'sy". Rama tha se më 16 maj Tirana do të jetë epiqendra e politikës evropiane. Ai shtoi se në takimin e liderëve europianë në Tiranë, pritet të jetë i pranishëm edhe kancelari i ri i Gjermanisë Friedrich Merz.

 

"Nga Kievi, në Madrid e Lisbonë. Plus sekretarin e Përgjithshëm të NATO-s, presidenten e KE, patjetër edhe drejtuesit dhe presidentët e bankave zhvillimore të Evropës, presidenten e FMN, që do të jenë të tërë në Tiranë më 16 Maj. Tirana do jetë epiqendra e politikës evropiane edhe njëherë tjetër deri në një moment historik për Evropën.

Ku Evropa duhet të japë disa pyetje me sigurinë, rritjen ekonomike, luftën kundër rritjes së pabarazisë, lidhur me mjetet për zbutjen e kostove gjithmonë e më në rritje të jetesës.

Të gjitha këto do të diskutohen në Shqipëri, ku do të vijë në takimin e tij të parë të këtij formati edhe kancelari i ri i Gjermanisë. Shqipëria atë ditë do të jetë në vëmendjen e të gjithë botës. Nga ana tjetër do të jetë tjetër promovim i Shqipërisë si destinacion, i forcimit të imazhit të Shqipërisë në arenën ndërkombëtare“, tha Rama.

edi rama

Sondazh

Poll

MË SHUMË