Politike

Tërhiqen nga gara dy kandidatë të PSD në Lezhë, shkak pamundësia për t’u angazhuar në fushatë zgjedhore

Leonard Trokthi dhe Etmond Stojani ishin 2 nga 7 kandidatët e listës së hapur të PSD-së në Lezhë.

14 Prill 2025, 18:31 Nga N.F

 

Tërhiqen nga gara dy kandidatë të PSD në Lezhë, shkak
Foto ilustruese

 

LEZHË- Dy kandidatë për deputetë të Partisë Socialdemokrate në Lezhë kanë dhënë dorëheqjen nga kandidimi në zgjedhjet parlamentare të 11 majit. Dy kandidatët mësohet se janë Leonard Trokthi dhe Etmond Stojani. Kandidatët e listës së hapur kanë dorëzuar në KQZ dorëheqjet e tyre.

“Për shkak të pamundësisë aktuale për t’u angazhuar në fushatë zgjedhore, paraqes dorëheqjen e parevokueshme nga kandidimi”, shkruhet në tekstin e dokumentit të dorëzuar në Komisionin Qendror të Zgjedhjeve nga secili prej tyre.

Leonard Trokthi dhe Etmond Stojani ishin 2 nga 7 kandidatët e listës së hapur të PSD-së në Lezhë. Pavarësisht dorëheqjes, emrat e tyre do të vijojnë të mbeten në fletën e votimit që do të përdoret në zgjedhjet e 11 majit në këtë qark.

psd

Sondazh

Poll