Politike

"Rama po abuzon me Kodin Zgjedhor, besoj te Task Forca e SPAK!" Çupi: S’mund të jesh pjesë e BE pa ujë dhe drita

Çupi kritikoi ashpër premtimin e kryeministrit për anëtarësimin në BE, duke e quajtur të pabazuar dhe thjesht një mjet propagandistik.

12 Prill 2025, 16:59 Nga M.B
"Rama po abuzon me Kodin Zgjedhor, besoj te Task Forca e SPAK!"
Dhurata Çupi

TIRANA- Deputetja e Partisë Demokratike dhe kandidatja në listën e hapur të Tiranës për zgjedhjet e 11 majit, Dhurata Çupi, ka akuzuar qeverinë Rama për propagandë të vazhdueshme dhe përpjekje për të deformuar realitetin gjatë fushatës elektorale. E ftuar në studion e emisionit “Kjo Javë" në News24, Çupi kritikoi ashpër premtimin e kryeministrit për anëtarësimin në BE, duke e quajtur të pabazuar dhe thjesht një mjet propagandistik. 

Ajo rikujtoi premtimet e pambajtura të Ramës nga viti 2013, duke theksuar se ato mbeten ende probleme për qytetarët shqiptarë. Çupi denoncoi gjithashtu shkeljet e Kodit Zgjedhor, duke theksuar se fushata është duke u zhvilluar në mënyrë të maskuar nga pushteti. E pyetur për qëndrimin ndaj veprimeve të SPAK në kuadër të zgjedhjeve, Çupi u shpreh optimiste.

“S’mund të jesh pjesë e BE pa ujë, pa drita, pa infrastrukturë dhe me një varfëri e keqqeverisje ekstreme. Karta e BE ka qenë një prej propagandave të Edi Ramës sepse nuk ka çfarë të thotë tjetër. Tha se do kishte ujë 24 orë dhe se legalizimet do përfundonin për një vit. Sot, këto janë ende ndër problemet më të mëdha për qytetarët dhe për garancinë e pronës.

Kodi Zgjedhor e ndalon propagandën qeverisëse me investime gjatë fushatës, por çdo ditë shohim Ramën dhe ministrat që ‘inspektojnë’ projekte dhe i shesin si arritje. Ky është abuzim i pastër me Kodin. Jam e prirur të besoj te Task Forca e SPAK për zgjedhjet dhe krimin zgjedhor. Besoj se do ketë një efekt pozitiv për të mos lejuar deformimin e vullnetit të votuesve", tha Çupi.

dhurata cupi

Sondazh

Poll

MË SHUMË