Politike

"Korrupsioni vret mundësinë e të rinjve!" Berisha: Këtë projekt do ta nisim me ata që qajnë me lot mjerimin, do vendosim minimumin jetik

Berisha shtoi se në rast se PD-vjen në pushtet qeveria do të vendosë mbi qytetarët taksat më të ulëta që ekzistojnë në Evropë.

11 Prill 2025, 21:06 Nga M.B
"Korrupsioni vret mundësinë e të rinjve!" Berisha:
Sali Berisha

TIRANA- Kreu i Partisë Demokratike Sali Berisha tha sot gjatë hapjes së fushatës elektorale se projektin e tyre do ta nisin me ata që qajnë me lot mjerimin dhe do të vendosin minimumin jetim. Berisha shtoi se në rast se PD-vjen në pushtet qeveria do të vendosë mbi qytetarët taksat më të ulëta që ekzistojnë në Evropë. Ai tha se do të ketë 0 tolerancë ndaj korrupsionit.

"Ne, këtë projekt do ta nisim jo me patronazhistë dhe oligarkët që mban ti përreth, por me ata që qajnë me lot mjerimin, do vendosim minimumin jetim, ne jemi partia e rritjes dhe dyfishimit të rrogave dhe pensioneve. Vetëm në këtë mënyrë u rikthejmë familjeve shqiptare dinjitetin, tek vetja, familja dhe Shqipëria.

Qeveria do të vendosë mbi ta taksat më të ulëta që ekzistojnë në Evropë. Të mëkëmbeni, të pasuroheni. Nuk ka një vend të dytë të pasur sa Shqipëria. 0 tolerancë ndaj korrupsionit do të jetë motoja jonë. Njeriu i ndershëm nuk ka armik më të egër sa korrupsioni. Korrupsioni vret mundësinë e të rinjve", tha Berisha.

sali berisha

Sondazh

Poll

MË SHUMË