Bota

Përfundojnë operacionet e kërkimit në rrënojat e klubit të natës në Santo Domingo, numri i viktimave shkon në 221, autoritetet: Tani duhet të zbulojmë shkaqet!

Autoritetet pranojnë se ende nuk kanë përcaktuar saktësisht se sa njerëz ishin brenda klubit Jet Set kur çatia e tij u shemb dhe nuk është ende e qartë pse. Në koncertin në këtë qendër ishin mbledhur politikanë, sportistë dhe personazhe të njohur.

11 Prill 2025, 08:00 Nga N.F
Përfundojnë operacionet e kërkimit në rrënojat e klubit
Pamje nga vendi i ngjajres

SANTO DOMINGO- Operacionet e kërkimit, shpëtimit në Santo Domingo përfunduan të enjten ndërsa numri përfundimtar i të vdekurve arriti në 221 të vdekur. Vendi mbetet në zi dhe familjet po varrosin të dashurit e tyre.

Autoritetet pranojnë se ende nuk kanë përcaktuar saktësisht se sa njerëz ishin brenda klubit Jet Set kur çatia e tij u shemb dhe nuk është ende e qartë pse. Në koncertin në këtë qendër ishin mbledhur politikanë, sportistë dhe personazhe të njohur.

"Sot përfundoi operacioni i kërkimit, shpëtimit dhe rikuperimit të viktimave," tha zëdhënësi presidencial Omar Figueroa në një video të postuar në mediat sociale. “Tani është koha për të kaluar në fazën tjetër, që është të kuptojmë dhe shpjegojmë se çfarë ka ndodhur”.

Qeveria e Republikës Domenikane njoftoi se ka miratuar formimin e një komisioni ekspertësh vendas dhe të huaj, për të përcaktuar shkaqet e shembjes së çatisë së klubit popullor. Ekipet e kërkim-shpëtimit, të cilët ishin në vendngjarje që nga mëngjesi i djeshëm arritën të nxirrnin të gjallë pothuajse 200 njerëz në orët pas katastrofës.

tragjedia ne santo domingo

Sondazh

Poll

MË SHUMË