Aktualitet

"Ka tension të jashtëzakonshëm!" Gazetarja sfidon Prodën: Të japë llogari pse shefi i krimeve është transferuar 24 orë pas arrestimit të Morinës

Ajo shtoi se nga kjo situatë raportohet për tensione të brendshme.

10 Prill 2025, 21:19 Nga M.B
"Ka tension të jashtëzakonshëm!" Gazetarja sfidon
Klodiana Lala

TIRANA- Gazetarja Klodiana Lala deklaroi sot se pas arrestimit të ish-efektivit të RENEA-s Altin Morinës shefi i krimeve në komisariatin nr.2 është transferuar dhe shefi i komisariatit është dorëhequr. E ftuar në emisionin "Të Paekspozuarit", Lala tha se Proda nuk ka bërë transparencë. Ajo shtoi se nga kjo situatë raportohet për tensione të brendshme.

"Gjatë këtij aksioni ka patur goditje të një ambjenti me lojëra fati. Kam dyshime se gjithçka po ndodh në Komisariatin nr. 2, lidhet me arrestimin e Altin Morinës. Shefi i krimeve është transferuar dhe shefi i komisariatit është dorëhequr. Deri tani zoti Proda nuk ka bërë transparencë. Mendoj se të gjithë efektivët janë nën një presion të jashtëzakonshëm. Policia nuk mund të funksionojë si bandë kriminale.

Ka qëndruar AMP deri në 2 të mëngjesit duke kontrolluar dosje. Duhet hetim i thelluar por nuk mund të vijë njoftim çarçaf, disa reagime në rrjete sociale dhe portale që shpifin. Proda të japë llogari pse shefi i krimeve është transferuar 24 orë pas arrestimit të Morinës. Ka tension të jashtëzakonshëm, më kanë shprehur shqetësim për presion dhe shantazh nga drejtuesit e policisë. Ftoj të bëjnë transparencë, por edhe për aktivitetin e lojrave të fatit, që kryhen në mënyrë të kamufluar. Policia nuk raporton rastet", tha Lala. 

klodiana lala

Sondazh

Poll

MË SHUMË