Aktualitet

Operacion antidrogë në Parma/ Me kokainë dhe para në makinë, arrestohet një 28-vjeçar shqiptar

Një operacion i suksesshëm antidrogë nga Guardia di Finanza ka çmontuar një rrjet të trafikut të kokainës dhe ka konfiskuar një sasi të madhe parash

10 Prill 2025, 20:11 Nga A.Ll

Operacion antidrogë në Parma/ Me kokainë dhe para në

ITALI - Një operacion i Guardia di Finanza në Parma ka çuar në arrestimin e një shtetasi shqiptar të moshës 28-vjeç, i cili u kap me 8.4 kilogramë kokainë dhe një shumë parash. Arrestimi u realizua pranë kryqëzimit të autostradës Parma, kur i riu, banues në Langhirano, u ndalua nga policia teksa drejtonte një makinë.

Si u zbulua trafiku i drogës
Gjatë procedurave të identifikimit, i arrestuari shfaqi shenja nervozizmi, duke ngjallur dyshime tek efektivët. Pas një kontrolli më të thelluar të automjetit, ata zbuluan një hapësirë të fshehur nën një mbulesë tapeti të instaluar posaçërisht. Brenda saj u gjetën 7 blloqe kokainë, si dhe një shumë parash prej më shumë se 40 mijë eurosh.

Gjatë kontrollit të mëpasshëm në shtëpinë e të riut, autoritetet gjetën edhe një makineri numërimi parash, duke konfirmuar aktivitetin e tij kriminal.

Sipas vlerësimeve të autoriteteve italiane, kjo sasi kokainë, pasi të shitej me pakicë, mund të kishte gjeneruar të ardhura rreth 750,000 euro. Arrestimi i tij është konfirmuar nga gjykata dhe i riu tani ndodhet në paraburgim.

itali parma arrestohet shqiptari

Sondazh

Poll

MË SHUMË