Sport

Pas humbjes në zgjedhje, Shevchenko sulmon UEFA-n: “Për shkak të faktorëve politikë, Ukraina nuk është e mirëpritur”

Ish-ylli i Milanit dhe Dynamo Kiev, fituesi i “Topit të Artë” 2004, mori vetëm 15 vota nga 55 shoqatat anëtare të UEFA-s të enjten.

5 Prill 2025, 09:00 Nga DOSJA

Pas humbjes në zgjedhje, Shevchenko sulmon UEFA-n: “Për shkak

ANGLI - Presidenti i Federatës së Futbollit të Ukrainës, Andriy Shevchenko lëshoi ​​një shënim zyrtar në të cilin sulmonte UEFA-n. Sipas fjalëve të ish-lojtarit të Milanit, ai ka marrë sinjale të qarta se Ukraina nuk vlerësohej mirë brenda bordit europian.

“Së pari, do të doja të falënderoja edhe një herë federatat e futbollit dhe Komitetin Ekzekutiv të UEFA-s që më nominuan si kandidat për Komitetin Ekzekutiv të UEFA-s,” filloi ai duke komentuar Kongresin e 49-të të organizatës në Beograd.

“I jam mirënjohës edhe ekipit tonë për punën e tyre gjatë këtyre dy muajve të fushatës dhe shoqatave kombëtare për mundësinë që të takohem, apo të flas personalisht me pothuajse të gjithë anëtarët”.

Shevchenko vazhdoi : "Gjatë gjithë jetës dhe karrierës sime, kam ndjekur një parim themelor: atë sportiv. Unë besoj në konkurrencën e ndershme, të hapur dhe transparente. Unë vij nga futbolli dhe jam për futbollin. Fatkeqësisht, ditët e fundit morëm sinjale të qarta, që për shkak të faktorëve politikë, se Ukraina dhe unë personalisht nuk ishim të mirëpritur në udhëheqjen e UEFA-s. Këto shqetësime u konfirmuan nga vetë Kongresi."

Megjithatë, ish-sulmuesi i Milanit nuk specifikoi se cilat ishin këto sinjale. "Në dritën e kësaj, - lexohet, - dua të shpreh mirënjohjen time të thellë për ato shoqata kombëtare që votuan për mua dhe për Ukrainën sot. Sepse ky votim nuk ishte vetëm për mua si kandidat, por ishte një votë mbështetjeje për të gjithë vendin tonë.

Ne nuk do ta ndryshojmë qëndrimin tonë. Ne do të vazhdojmë me reformat tona në futbollin ukrainas dhe do të mbetemi të përkushtuar ndaj një komunikimi të fortë ndërkombëtar në interes të kombit tonë dhe të gjithë komunitetit të futbollit."

Ish-ylli i AC Milan dhe Dynamo Kiev, fituesi i “Topit të Artë” 2004, mori vetëm 15 vota nga 55 shoqatat anëtare të UEFA-s të enjten. Shevchenko kishte nevojë për të paktën 28 ​​vota për t’u bashkuar me Komitetin Ekzekutiv.

B.T (Dosja.al)

Sondazh

Poll

MË SHUMË