Aktualitet

FOTO/ Mungesë pajisjesh dhe copa muresh që bien, spitali i Tropojës pret mijëra turistë dhe pacientë në kushte skandaloze

Në një foto tjetër duket qartë që në këtë spital nuk ka as pajisjet e nevojshme teksa barrelat janë shumë të vjetra.

3 Prill 2025, 17:18 Nga N.F
FOTO/ Mungesë pajisjesh dhe copa muresh që bien, spitali i
Pamje nga spitali i Tropojës

TROPOJË- Pamjet që shihni janë dërguar në redaksinë e Dosja.al teksa paraqesin kushtet skandaloze në spitalin e Tropojës. Siç shihet edhe nga pamjet kushtet janë shumë të këqija ndërsa muret nga lagështira dhe mos investimet kanë nisur të bien copa-copa. Pllakat vende-vende të thyera e të rinovuar me beton sa për të mos lënë gropa në vendet ku banorët dhe turistët marrin mjekime e ndihmë mjekësore.

Në një foto tjetër duket qartë që në këtë spital nuk ka as pajisjet e nevojshme teksa barrelat janë shumë të vjetra. Kjo është një pamje të cilën e shohin çdo ditë pacientë të këtij spitali. Po ashtu në këto spitale marrin ndihmë mjekësore turistët. Teksa mahniten nga pamjet e natyrës ata mbeten pa fjalë nga kushtet e spitalit.

Kryeministri Edi Rama thekson çdo ditë që vendi duhet të anëtarësohet në BE sipas qëllimit të vendosur për në 2027 por mesa duket ka harruar të bëjë një krahasim mes spitaleve të vendit tonë me ato të Bashkimit Evropian. Kjo nuk është aspak një pamje e një spitali evropian dhe aq më pak për të shërbyer për qytetarët të cilët kanë nevojë. Vendi ynë ka marrë pjesë nëpër panaire të turizmit për të paraqitur bukuritë dhe mikpritjen tonë por duhet thekuar se ata turistë që kanë vizituar Tropojën kanë parë nga afër kushtet e vërteta dhe pafiltra. Dhe kjo pamje ku kanë marrë ndihmë mjekësore nuk u ka lënë një përshtypje aspak të mirë.

spitali i tropojes

Sondazh

Poll

MË SHUMË