Aktualitet

Pengmarrja në Lezhë/ Tre persona e dhunuan dhe e futën me forcë në automjet, Gjoka dërgohet në spital pas lirimit! Autorët në kërkim

Autorët të tre banues në fshatin Tresh, ndodhen në kërkim nga policia. Pika kontrolli janë ngritur në akset rrugore drejt Tiranës, Shkodër dhe Kukësit.

3 Prill 2025, 16:08 Nga r.ll
Pengmarrja në Lezhë/ Tre persona e dhunuan dhe e futën me
foto ilustruese

LEZHË- Policia ka reaguar lidhur me pengmarrjen e sotme në aksin rrugor "Lezhë-Milot". Sipas informacioneve tre persona kanë dhunuar dhe më pas kanë marrë me forcë me automjet, shtetasin Dod Gjoka, rreth 35 vjeç, banues në Lezhë.

Rreth një orë pasi ngjarja u raportua në polici,  autorët e kanë zbritur nga automjeti, 35-vjeçarin. Ky i fundit aktualisht po merr ndihmë mjekësore në spitalin e Lezhës dhe është jashtë rrezikut për jetën.

Autorët të tre banues në fshatin Tresh, ndodhen në kërkim nga policia. Pika kontrolli janë ngritur në akset rrugore drejt Tiranës, Shkodër dhe Kukësit. Grupi hetimor po punon për zbardhjen e rrethanave të ngjarjes.

NJOFTIMI I POLICISË: 

Rreth orës 14:30, në vendparkimin e automjeteve të një lokali në aksin rrugor “Lezhë-Milot”, dyshohet se gjatë një konflikti fizik, tre shtetas kanë dhunuar dhe më pas kanë marrë me forcë me automjet, shtetasin D. Gj., rreth 35 vjeç, banues në Lezhë.

Menjëherë pas marrjes së njoftimit, shërbimet e Policisë së Lezhës kanë ngritur pika kontrolli në perimetrin rrethues dhe në akset lidhëse, me qëllim kapjen e autorëve, të cilët janë identifikuar nga Policia, konkretisht shtetasit K. P., B. V. dhe Xh. E., të tre banues në fshatin Tresh.

Gjithashtu, u ngritën pika kontrolli në akset rrugore drejt Tiranës, Shkodër dhe Kukësit.

Si rezultat i reagimit të menjëhershëm të Policisë dhe të gjendur nën presionin e kontrolleve intensive të Policisë, autorët dyshohet se e kanë zbritur nga automjeti, shtetasin D. Gj., i cili aktualisht po merr ndihmë mjekësore në spitalin e Lezhës dhe është jashtë rrezikut për jetën.

Grupi hetimor, në drejtimin e Prokurorisë, po punon për sqarimin e rrethanave dhe dokumentimin ligjor të rastit.

dod gjoka pengmarrje ne lezhe milot

Sondazh

Poll

MË SHUMË