Aktualitet

Nis nga e para gara për drejtorin e RTSH-së/ Rrëzohet procedura e përzgjedhjes dhe rihapen aplikimet

Këshilli Drejtues i RTSH ka anuluar procedurën e mëparshme për zgjedhjen e Drejtorit të Përgjithshëm, duke i dhënë mundësi të rinjve kandidatë për të aplikuar sërish

1 Prill 2025, 19:37 Nga A.Ll
Nis nga e para gara për drejtorin e RTSH-së/ Rrëzohet procedura e
Godina e RTSH

RTSH - Këshilli i ri Drejtues i Televizionit Publik ka vendosur të nisë nga e para garën për Drejtorin e Përgjithshëm të Radio Televizionit Shqiptar (RTSH). Anëtarët e sapozgjedhur të këshillit kanë rrëzuar të gjithë procedurën që ishte hapur më 6 janar, për zgjedhjen e drejtorit, duke e shpallur atë të pavlefshme për shkak të shkeljeve që Kuvendi gjeti në proces.

Këto parregullsi ishin një nga arsyet që çuan në shkarkimin e 11 anëtarëve të mëparshëm të bordit drejtues.

Gjatë mbledhjes së mbajtur këtë të martë, Këshilli Drejtues vendosi me unanimitet që të anulohej procedura e mëparshme, e cila ishte pezulluar më 30 janar pas një kërkese të Komisionit parlamentar të Medias. Pas kësaj, vendimi i Këshillit Drejtues është që të rihapen aplikimet dhe gara të rinisë nga e para, për të siguruar një proces të pastër dhe transparent.

Nga data 2 prill deri më 15 prill, të gjithë kandidatët që dëshirojnë të aplikojnë për pozitat e Drejtorit të Përgjithshëm të RTSH duhet të paraqesin dokumentet e kërkuara sipas procedurave ligjore, të cilat mund të gjenden në faqen zyrtare të RTSH. Pas periudhës së aplikimeve, Këshilli Drejtues do të shqyrtojë aplikimet në një mbledhje të dytë dhe do të vazhdojë me procesin përzgjedhës.

Një tjetër pikë e rëndësishme e mbledhjes ishte miratimi i projektbuxhetit të RTSH, një hap i rëndësishëm për sigurimin e funksionimit të qëndrueshëm të Televizionit Publik Shqiptar në vitet në vijim.

këshilli i ri drejtues i televizionit publik rtsh

Sondazh

Poll

MË SHUMË