Aktualitet

Plagosi me thikë gruan në Sarandë, flasin fqinjët: Ishte një familje e qetë...

Edhe pas shumë orësh kërkimesh nga policia e Sarandës dhe forcat që erdhën nga Vlora, ende nuk është arritur të kapet autori i dyshuar i ngjarjes, 55-vjeçari Adriatik Bodini.

1 Prill 2025, 14:48 Nga E. D
Plagosi me thikë gruan në Sarandë, flasin fqinjët: Ishte
Foto ilustruese

SARANDË- Një ngjarje e rëndë tronditi ditën e djeshme Sarandën ku një 55-vjeçar plagosi bashkëshorten e tij me thikë. Edhe pas shumë orësh kërkimesh nga policia e Sarandës dhe forcat që erdhën nga Vlora, ende nuk është arritur të kapet autori i dyshuar i ngjarjes, 55-vjeçari Adriatik Bodini.

Siç raportohet Bodini dyshohet se plagosi bashkëshorten e tij me thikë në bark ndërsa 51-vjeçarja Mirjana Bodini ndodhet në reanimacionin e Spitalit të Vlorës. Gjithashtu e plagosura ende nuk ka dhënë asnjë deklaratë për të treguar shkakun që çoi në përdorimin e thikës nga bashkëshorti.

Çifti Mirjana dhe Adriatik Bodini janë prindër të një djali. Ndërkohë banorët e lagjes tha për Euronews se ishte një familje e qetë dhe janë shumë të habitur për atë që ka ndodhur pasditen e djeshme.

“Ishe shumë njeri punëtor, na vjen keq, kam keqardhje. Ai ishte shumë i sjellshëm dhe punëtor i mirë. E shoqja, megjithëse nuk kam biseduar shumë me të, ishte komshia këtu, dhe na erdhi shumë keq,” thotë një komshi.

Një zonjë komshije e çiftit thotë: “Janë njerëz shumë të qetë dhe shumë të mirë, dhe nuk e kuptoj si arritën në këtë pikë. Ai ishte shumë i qetë, dhe nuk di sesi ndodhi". 

sarande adriatik bodini

Sondazh

Poll