Politike

Skandali me mishin e pulës me salmonelë , ministrja e Bujqësisë: AKU do të shkrihet, do të krijohet...

Denaj tha se do të krijojnë një institucion që do të zbatojë politikat, për peshkimin, për bimët, produktet e kafshëve.

31 Mars 2025, 21:56 Nga r.ll
Skandali me mishin e pulës me salmonelë , ministrja e
anila denaj

TIRANË- Ministrja e Bujqësisë dhe Zhvillimit Rural, Anila Denaj, ka deklaruar se AKU do të shkrihet dhe do të bashkohet me të gjitha inspektoriatet e ushqimit.

E ftuar në studion e emisionit “Të Paekspozuarit” në MCN TV, Denaj tha se do të krijojnë një institucion që do të zbatojë politikat, për peshkimin, për bimët, produktet e kafshëve. Ministrja shtoi se ky institucion nuk do të varet nga një drejtor i përgjithshëm, as nga ministri, por nga një sistem i tërë.

“Katër ngarkesa me mandarina ishin mandarina eksporti. 35 janë bllokuar nga Greqia dhe Italia që janë vende të BE-së. Ky nuk është një fenomen shqiptar, nuk po e relativizoj që edhe ata qenkan më keq se ne, por dua të them se ky produkt bëhet duke rritur shkëmbimin e informacionit. Kur ra gripi i shpendëve në Kroaci, ne bëmë bllokimin e importeve, apo kur ka një problem në Rumani, na intereson edhe ne. Këto janë protokolle që ne i kemi vendosur në ligj. Në zbatim të tyre ka inspektorë dhe janë të detyrueshme për t’u zbatuar.

Në shtator të vitit të kaluar ka kaluar nëj ligj që do të vihet në zbatim deri në fund të vitit, me të gjitha aktet juridike që inspektoriatet do të riorganizohen, AKU do të shkrihet dhe do të bashkohet me të gjitha inspektoriatet e ushqimit. Të gjitha do të krijojnë një institucion që do të zbatojë politikat e tij, për peshkimin, për bimët, produktet e kafshëve dhe nuk do të varen nga një drejtor i përgjithshëm, as nga ministri, por nga një sistem i tërë, sepse nuk mund të menaxhojmë vetëm me njerëz, por nga tre nivele monitorimi”- tha Denaj.

anila denaj

Sondazh

Poll

MË SHUMË