Politike

Koalicion të përbashkët PD-PS për integrimin në BE? Berisha: Nuk mund të ketë kurrë koalicion me Edi Ramën

Berisha tha se edhe nëse për integrimin në BE do të duhej të bënte një koalicion me bazë të gjerë me PS-në nuk do ta pranonte kurrë.

31 Mars 2025, 20:58 Nga E. D
Koalicion të përbashkët PD-PS për integrimin në BE?
Sali Berisha

TIRANË- Kreu i Partisë Demokratike Sali Berisha, mohoi mundësinë e një koalicioni të përbashkët PD-PS pas zgjedhjeve të 11 majit. Berisha i ftuar në “NOW me Erla Mehillin”, në Euronews Albania tha se edhe nëse për integrimin në BE do të duhej të bënte një koalicion me bazë të gjerë me PS-në nuk do ta pranonte kurrë.

Berisha duke folur në lidhje me premtimet e PS-së, të cilat ai i cilëson si kopje të programit të PD-së, se nëse po krijohen kushte për një qeveri të përbashkët PS-PD, Berisha po ashtu e mohoi kategorikisht një koalicion me PS-në. Ndërsa sa i përket drejtësisë, Lideri i opozitës theksoi se ai mbron interesat e 80% të shqiptarëve, të cilët, sipas tij, nuk kanë një proces ligjor të drejtë.

“Për integrimin e Shqipërisë, ne votojmë çdo ligj dhe marrëveshje, por kurrë një koalicion të përbashkët me PS-në. Nuk mund të ketë kurrë koalicion me Edi Ramën, këtë e them me bindjen absolute. Për një proces ligjor të drejtë, vendimin e gjykatës duhet ta marrësh brenda një kohe të pranueshme. Sot, një proces ligjor civil kërkon deri në 15 vjet. Edhe në diktaturën komuniste ka qenë më mirë se sa sot,” tha Berisha.

sali berisha

Sondazh

Poll

Politike 31 Mars 2025, 18:34 N.F

“Petulla” me miellin e BE

Foto ilustruese TIRANË- Shqipëria është një nga vendet e Ballkanit Perëndimor që janë më pro Bashkimit Europia...

MË SHUMË