Bota

Kamioni përplaset me aeroplanin në pistë, anulohet fluturimi nga Parisi për në Romë, dyshohet se shoferi shtypi gazin gabimisht në vend të frenave

Airbus do të kryente gjithsej gjashtë fluturime gjatë ditës, duke transportuar pasagjerë britanikë në destinacione të ndryshme evropiane.

31 Mars 2025, 18:27 Nga N.F
Kamioni përplaset me aeroplanin në pistë, anulohet fluturimi nga
Pamje nga vendi i ngjarjes

PARIS- Një kamion aeroporti është përplasur me një avion EasyJet A320 herët në mëngjes në aeroportin Orly të Parisit. Nga përplasja janë shkaktuar dëme të rënda dhe anulim i fluturimit për në Romë. Ngjarja ka ndodhur në pistë, ku avioni ishte i palëvizshëm në momentin e përplasjes.

Airbus do të kryente gjithsej gjashtë fluturime gjatë ditës, duke transportuar pasagjerë britanikë në destinacione të ndryshme evropiane. Megjithatë, përplasja e nxori atë jashtë shërbimit, duke rezultuar në anulimin e të gjitha linjave të planifikuara.

Planet e fluturimit u anuluan menjëherë dhe kostoja e dëmit mund të kalonte 100,000 £. Fotot nga vendi i ngjarjes tregojnë xhamin e kamionit të thyer pasi ishte mbërthyer në trupin e avionit. Dëmet e avionit janë evidente, ndërsa fatmirësisht nuk ka pasur pasagjerë brenda kabinës me 146 vende në momentin e përplasjes.

Shkaqet e aksidentit ende nuk janë zbardhur. Hetuesit po shqyrtojnë mundësinë që shoferi i kamionit të ketë shkelur aksidentalisht gazin në vend të frenave, duke shkaktuar përplasjen.

paris

Sondazh

Poll

MË SHUMË