Aktualitet

Bie sistemi 'e-filling' në Drejtorinë e Tatimeve, qytetarët nuk deklarojnë dot të ardhurat

Në një kërkim të bërë nga Dosja.al, shihet që sistemi ka rënë dhe nuk të lejon që të futesh për të bërë deklarimin.

31 Mars 2025, 11:57 Nga I.A
Bie sistemi 'e-filling' në Drejtorinë e Tatimeve,
Foto Ilustruese

TIRANË- Sot është dita e fundit për qytetarët dhe të punësuarit me më shumë se 100 mijë lekë për të dorëzuar individuale të të ardhurave personale. Të gjithë qytetarët që gjatë vitit 2024 janë paguar me rrogë mujore mbi 100 mijë lekë, brenda ditës së sotme duhet që të dorëzojnë deklarimin e të ardhurave në Drejtorinë e Tatimeve. 

Por kjo aktualisht është e pamundur për shkak se sistemi 'e-filling' në Drejtorinë e Tatimeve, nuk funksionon. Në një kërkim të bërë nga Dosja.al, shihet që sistemi ka rënë dhe nuk të lejon që të futesh për të bërë deklarimin. Sistemi ka rënë që prej orësh 8:20 dhe aktualisht nuk punon. 

Bie sistemi 'e-filling' në Drejtorinë e Tatimeve,
Sistemi

Por rënia e sistemit 'e-fillinig' pritet që të krijojë shumë probleme te qytetarët për shkak se mos deklarimi i të ardhurave personale, do të gjobitet. Kush nuk e dorëzon deklaratën gjobitet me 3 mijë lekë, të cilës i bashkëngjitet edhe interesi dhe kamatëvonesa. Plotësimi i kësaj deklarate i shërben Administratës Tatimore për të bërë kontrolle për evazion fiskal si dhe për të hetuar pasurinë.

Deri më tani deklaratën individuale të të ardhurave personale e kanë dorëzuar të gjithë ata individë që kishin të ardhura vjetore 2 milionë lekë, ose pagë mujore mbi 166 mijë lekë. Por prej vitit 2023 me ndryshimin që pësoi ligji i tatimit mbi të ardhurat, u vendos që do të zgjerohen fashat e qytetarëve që duhet të dorëzojnë këtë deklaratë.

drejtorinë e tatimeve e-filling

Sondazh

Poll

MË SHUMË