Bota

Protesta kundër tij, ironizon Elon Musk: Përshëndeteni Sorosin nga ana ime

Sipas mediave të huaja në këtë shtet pritet të zhvillohet një garë e rëndësishme për Gjykatën Supreme.

31 Mars 2025, 10:31 Nga M.B
Protesta kundër tij, ironizon Elon Musk: Përshëndeteni Sorosin
Elon Musk

SHBA- Elon Musk ironizoi disa protestues gjatë një takimi që ai zhvilloi në shtetin Uiskonsin në SHBA. Sipas mediave të huaja në këtë shtet pritet të zhvillohet një garë e rëndësishme për Gjykatën Supreme.

Teksa po diskutonte për kërcënimet me vdekje që ai ka marrë që kur u bë kreu i agjencisë DOGE dhe për dy tentativat për vrasjen e Donald Trump, Musk u ndërpre nga një protestues.

“Ishte e pashmangshme që të paktën disa operativë të Sorosit të ishin në audiencë. Përshëndeteni Sorosin nga ana ime”, tha Musk më një video që u bë virale në X.

Musk u dha dy votuesve në Uiskonsin nga 1 milionë dollarë secilit pasi kishin nënshkruar online një peticion kundër gjyqtarëve "aktivistë". Ai po ofron 100 dollarë për këdo tjetër që ka nënshkruar peticionin. Qëllimi është që të shmanget fitorja e gjyqtarëve të majtë.

Protestat kundër Elon Musk

Mijëra njerëzve protestuan para salloneve të Teslës në mbarë botën, në shenjë kundërshtimi ndaj Elon Musk dhe rolit të tij në qeverinë federale amerikane me presidentin Donald Trump. Protestat u mbajtën në pothuajse të gjitha shtetet federale të SHBA-së, por edhe në Australi, Zelandën e Re, Kanada, Irlandë, Gjermani, Zvicër, Francë, Mbretërinë e Bashkuar dhe shumë vende të tjera evropiane.

Rreth 200 protesta u mbajtën në mbarë botën. Në Irlandë, tema ishte “Shkatërro fashistin”, ndërsa zviceranët dolën me mesazhin “Poshtë Doge”, duke iu referuar Departamentit të Musk për Efiçencën Qeveritare – Doge, një organ federal i ri që drejtohet nga ai dhe që ka për qëllim uljen e buxhetit të shtetit.

elon musk

Sondazh

Poll

MË SHUMË