Bota

"Levë e pushtetit politik"/ Bota ngrihet kundër Elon Musk, 200 protesta në ditë kundër pronarit të Teslas

Protestat u mbajtën në pothuajse të gjitha shtetet federale të SHBA-së, por edhe në Australi, Zelandën e Re, Kanada, Irlandë, Gjermani, Zvicër, Francë, Mbretërinë e Bashkuar dhe shumë vende të tjera evropiane.

31 Mars 2025, 08:44 Nga B.Z
"Levë e pushtetit politik"/ Bota ngrihet kundër Elon Musk,
Pamje nga protesta

SHBA - Mijëra njerëzve protestuan para salloneve të Teslës në mbarë botën, në shenjë kundërshtimi ndaj Elon Musk dhe rolit të tij në qeverinë federale amerikane me presidentin Donald Trump.

Protestat u mbajtën në pothuajse të gjitha shtetet federale të SHBA-së, por edhe në Australi, Zelandën e Re, Kanada, Irlandë, Gjermani, Zvicër, Francë, Mbretërinë e Bashkuar dhe shumë vende të tjera evropiane.

Rreth 200 protesta u mbajtën në mbarë botën. Në Irlandë, tema ishte “Shkatërro fashistin”, ndërsa zviceranët dolën me mesazhin “Poshtë Doge”, duke iu referuar Departamentit të Musk për Efiçencën Qeveritare – Doge, një organ federal i ri që drejtohet nga ai dhe që ka për qëllim uljen e buxhetit të shtetit.

Lëvizja me emrin “Tesla Takedown” fton qytetarët të ndjekin tri hapa të veçantë: të mos blejnë Tesla, të shesin aksionet e Teslës dhe të bashkohen me protestat.

Një nga sloganet është “Dëmto Tesla do të thotë të ndalosh Musk. Të ndalosh Musk do të thotë të shpëtosh jetë dhe demokracinë”.

“Ky nuk është një rebelim kundër automjeteve elektrike, ky është një rebelim kundër Musk”, thanë ata që ishin të pranishëm.

Në New York u mblodhën disa qindra persona. Organizatorja Sophie Shepherd nga grupi Planet Over Profit shpjegoi se “Jemi këtu sepse Musk po përdor Tesla-n si një levë të pushtetit politik. Ai ka organizuar panaire veturash në oborrin e Shtëpisë së Bardhë. Qëllimi ynë është të prishim biznesin e tij sa më shumë që mundemi”.

Marty (82), i cili protestoi kundër luftës në Vietnam në vitet ’60, tha se “sot jam këtu sepse kam frikë për vendin tim. Ky është një tentativë për të marrë pushtetin e shtetit nga oligarkët”.

Në Washington u mbajt një protestë me emrin “Tesla Takedown Dance Party” – me vallëzim, muzikë dhe mesazhe si “Hidh meme-aksionet, bashkohu me kolonën e vallëzimit!”

Në Londër u mbajt një protestë pranë rrugës A40 përpara sallonit të Teslës. Aktivisti Nigel Warner tha se Musk “financon ekstremin e djathtë dhe frikëson republikanët që nuk pajtohen me Trump”.

Louise Cobbett-Witten, e cila ka familje në SHBA, tha se “ka shumë gjëra që nuk mund të rrijmë duar përkrah. Dhe nëse e vetmja gjë që mund të bëjmë është të mbajmë pankarta dhe të bërtasim – dhe kjo është diçka”.

Vala e protestave dhe vandalizmit ka filluar që kur Musk u bashkua me Trumpin dhe për shkak të qëndrimeve kundërthënëse politike.

Më pas erdhi edhe përshëndetja e ndezur e Musk në natën e inagurimit, kur ai ngriti dorën në ajër para turmës së mbështetësve të Trumpit. Pabarazia fillimisht u shpreh nga njerëzit në të gjithë Amerikën me protesta paqësore, por kjo më vonë u kthye në dhunë dhe shkatërrim të pasurisë, raporton cnn.

Shitjet e Tesla-s kanë pësuar një kolaps në tregjet kyçe. Shitjet kanë rënë ndjeshëm në Gjermani, me shifrat që tregojnë se në shkurt janë shitur 76 për qind më pak veturat e Musk krahasuar me të njëjtën periudhë të vitit të kaluar, pavarësisht një rritjeje prej 31 për qind të shitjeve totale të veturave elektrike. Këto janë shifrat më të ulëta që nga viti 2021.

Në Kinë, shitjet ranë me 11.5 për qind krahasuar me vitin e kaluar, ndërsa në Norvegji, Danimarkë dhe Suedi regjistruan një rënie prej 40 për qind, ndërkohë që Franca pati një rënie prej 26 për qind. 

protesta elon musk

Sondazh

Poll

MË SHUMË