Politike

“E dija që partia do çahej”, Berisha: I thashë Bashës të mos përzihej me 'non gratën' time

Berisha tha se në momentin që mori vesh vendimin e Blinken për të, i ka kërkuar Lulzim Bashës që të mos përzihej as ai dhe as partia më këtë punë.

27 Mars 2025, 21:27 Nga I.A
“E dija që partia do çahej”, Berisha: I thashë
Sali Berisha

TIRANË- Kreu i PD, Sali Berisha ka deklaruar se e dinte shumë mirë që Partia Demokratike do të përçahej në momentin që ai u shpall 'non grata'. I ftuar në emisionin “Top Story” në Top Channel, Berisha tha se në momentin që mori vesh vendimin e Blinken për të, i ka kërkuar Lulzim Bashës që të mos përzihej as ai dhe as partia më këtë punë.

“Edhe në vitet ’90 unë nuk zemërohesha me asnjë që më sulmonte. Pse? Sepse i thoja vetes ‘shiko, të thonë ç’të duan, se nuk janë këta që cenojnë psikologjinë tënde’. Unë po kërkoja gjëra që ishin tabu dhe po dukej se po dilja kundër regjimit që ata e donin, nuk janë diktuarat ashtu siç mendojnë njerëzit. Unë isha një nga ata që po u trazoja atyre psikologjinë. Po kaloja në Suk të Përmetit dhe më del një grua e veshur siç ishte koha, kishte marrë një bazë dheu dhe më gjuajti. E pyes pse më gjuajti, ‘ik, je kshu je ashtu’, më tha. I dhashë dorën, e kishte kallo, kooperativiste. Unë nuk zemërohesha. Kur thirra foltoren njerëzit e mi të afërt më thanë ’po sikur të mos vijnë’ . u thashë ‘ 8 vetë të vijnë më mjaftojnë’. Unë entuziazmohem me praninë e madhe të njerëzve. Nuk mërzitem dhe kur ka prani të vogël. I vetëdijshëm për këtë… e dija unë që partia do çahej. Disa gjëra që mund të bënte ambasadorja nuk i kisha imgjinuar por e dija që njerëzit do kishin shqetësim ndaj këtij vendimi të Amerikës. Isha jashtëzakonisht i qetë. I them Bashës ‘Lul mos u përziej në këtë punë, as ti as partia. I thashë ‘ do e zgjidh vetë, me parimin e Hotit,” u shpreh Berisha.

sali berisha

Sondazh

Poll

MË SHUMË