Aktualitet

Komedianët rusë që mashtruan Kurtin, kishin tentuar të mashtrojnë dhe Thaçin, por ai i zbuloi në kohë

Kryeministri Kurti ra pre e mashtrimeve të komedianëve rusë – Reagime të forta pas bisedës të zbuluar

26 Mars 2025, 20:05 Nga A.Ll
Komedianët rusë që mashtruan Kurtin, kishin tentuar të
Hashim Thaçi

KOSOVA - Një bisedë e Kryeministrit të Kosovës, Albin Kurti, me dy komedianë rusë ka shkaktuar reagime të mëdha, pasi ai ra pre e një shakasë, duke menduar se po fliste me kryeministrin e Letonisë.

Shakaja e njëjtë kishte tentuar të bëhej edhe me Hashim Thaçin, i cili kishte arritur ta zbulojë mashtrimin në një fazë të hershme.

Në një deklaratë të tij, Thaçi shpjegoi se komedianët rusë kishin tentuar të depërtojnë në zyrën e tij, por falë kujdesit të institucioneve kosovare, ata ishin ndaluar.

Ai theksoi se kishte pasur një përpjekje para shtatë ose tetë muajsh për të komunikuar me të në emër të ish-presidentit të Ukrainës, Petro Poroshenko, por ky komunikim ishte parandaluar nga kabineti i tij, duke i shmangur çdo mundësi të mashtrimeve të tilla.

Thaçi e falënderoi kabinetin e tij për kujdesin maksimal në këtë situatë, duke theksuar se ai nuk mund të fliste me askënd pa qenë i informuar paraprakisht dhe pa pasur siguri për temat që mund të diskutoheshin.

Ky incident ka patur reagime, pasi dhe Zoran Zaev, ish-kryeministri i Maqedonisë së Veriut, kishte rënë gjithashtu pre e të njëjtës situatë.

albin kurti hashim thaçi kosova

Sondazh

Poll

MË SHUMË