Aktualitet

Aksidenti në aksin Burrel-Klos/ Furgoni humbi kontrollin dhe doli nga rruga, më pas përplasi 4-vjeçarin, shoqërohet shoferi 52-vjeçar

Në fillim u raportua se fëmija i aksidentuar po kalonte rrugën kur u përplas nga një furgon.

20 Mars 2025, 19:00 Nga N.F
Aksidenti në aksin Burrel-Klos/ Furgoni humbi kontrollin dhe doli nga
Foto ilustruese

BURREL- Detaje të reja janë zbardhur në lidhje me aksidentin e regjistruar pasditen e sotme në aksin Burrel-Klos. Në fillim u raportua se fëmija i aksidentuar po kalonte rrugën kur u përplas nga një furgon. Ndërkohë policia bën me dije se furgoni që drejtohej nga një 52-vjeçar ka humbur kontrollin e mjetit dhe doli jashtë rrugës.

Më pas furgoni ka goditur fëmijën, që aktualisht po transportohet drejt Spitalit të Traumës. Drejtuesi i automjetit është shoqëruar në Komisariat për veprime të mëtejshme, ndërsa grupi hetimor po punon për zbardhjen e shkaqeve dhe rrethanave të aksidentit.

Njoftimi i policisë:

Klos/ Informacion paraprak. Në aksin rrugor Klos-Burrel, shtetasi L.D., 52 vjeç, duke drejtuar automjetin tip furgon, ka humbur kontrollin mbi drejtimin e automjetit dhe për pasojë automjeti ka dalë nga rruga duke aksidentuar një shtetas të mitur, i cili është transportuar në spital për ndihmë mjekësore.

Drejtuesi i automjetit është shoqëruar në Komisariat për veprime të mëtejshme, ndërsa grupi hetimor po punon  për zbardhjen e shkaqeve dhe rrethanave të aksidentit.

aksidenti në aksin burrel-klos

Sondazh

Poll

MË SHUMË