Politike

"Në Shqipëri s'ka ujë e drita"/ Rama-komentuesit: Je gabim fare! I merr të keqen këtij populli çdo individ që e përflet

Një prej komentuesve i ankohej kryeministrit se në Shqipëri nuk ka ujë, bukë, drita, ilaçe dhe se qeveria nuk kishte realizuar asnjë premtim.

20 Mars 2025, 08:48 Nga B.Z
"Në Shqipëri s'ka ujë e drita"/ Rama-komentuesit:
Edi Rama

TIRANË - Kryeministri Edi Rama u është përgjigjur pyetjeve të komentuesve në rrjete sociale. Një prej komentuesve i ankohej kryeministrit se në Shqipëri nuk ka ujë, bukë, drita, ilaçe dhe se qeveria nuk kishte realizuar asnjë premtim.

Kreu i qeverisë mohoi këto problematika, ndërsa tha se populli shqiptar nuk gabon, por “të jep ujë në bisht të lugës”, ndërsa lexoi edhe disa shifra që sipas tij tregojnë të kundërtën e ankesës së komentuesit. 

Rama: Nuk ke kuptuar asgjë, më vjen shumë keq për ty. Ky popull nuk gabon, të jep ujë në bisht të lugës, i merr të keqen çdo individ që e përflet dhe flet ashtu siç thua ti.  S’kemi ujë, vërtetë? Nuk kemi pasur, ishin vetëm 4 zona urbane, s’ka pasur ujë 24 orë kurrë, asnjëherë kur e morëm ne pushtetin, sot 43 zona urbane me ujë 24 orë dhe 98 rurale, e 11 kantiere dhe do shkojnë në 54 zona urbane dhe pastaj mungojnë vetëm pak, shumë pak ku pjesa e banuar dhe populluar e Shqipërisë do ketë 24 orë ujë.

Nuk kemi drita? Unë them je gabim, gabim fare, mbase ke ikur atëhere kur rrugëve kishte gjeneratorë, kur s’ishim ne, humbje në ndonjë gropë rrugës dhe nuk ktheheshe natën në shtëpi. S’kemi ilace? Po shikoja shifrat pensionistë të rimbursuar me ilaçet. Mesatarisht i kemi 30% të lira ilaçet. Përsa i përket bukës aty ndahemi bashkë dhe s’kemi çfarë themi më.

edi rama zgjedhje 11 maj

Sondazh

Poll

MË SHUMË