Politike

Mbyllja e TikTok/ Rama: Prindërit më shihnin si mundësi që t’i shpëtoja fëmijët nga ajo mortje!

Rama u shpreh se vendimi për mbylljen e TikTok nuk erdhi nga vetë ai, por ishin 95% e prindërve që kërkuan të mbyllet kjo platformë. Kreu i qeverisë shton së prindërit e shihnin si të vetmen mundësi për mbylljen e rrjetit social që sipas tij po ndikonte për keq te fëmijët. 

19 Mars 2025, 09:44 Nga B.Z
Mbyllja e TikTok/ Rama: Prindërit më shihnin si mundësi që
Edi Rama

TIRANË - Kryeministri Edi Rama gjatë takimit me kandidatët për deputet të Qarkut të Elbasanit u ndal edhe te mbyllja e aplikacionit TikTok. 

Rama u shpreh se vendimi për mbylljen e TikTok nuk erdhi nga vetë ai, por ishin 95% e prindërve që kërkuan të mbyllet kjo platformë. Kreu i qeverisë shton së prindërit e shihnin si të vetmen mundësi për mbylljen e rrjetit social që sipas tij po ndikonte për keq te fëmijët. 

Rama: 95% e tyre thanë të mbyllet TikTok, tani të gjithë këta s'janë nuk janë socialistë. Shumë më tepër se 5% janë demokratë që kanë mbetur jetimë por që prapë nuk kanë ku shkojnë dhe rrinë pas kënetës, janë edhe të tjerë që nuk votojnë për ne. Sepse menduan si prindër, jo si demokratë dhe socialistë. Më shihnin si mundësi që t’i shpëtoja nga ajo mortje që i ishte futur fëmijëve në trup. Më 11 maj duhet të vendosim për familjen dhe fëmijët. Një prind që ka fëmijë s’duhet ta diskutojë fare që më 11 maj jo vetëm që të shkojë votim, por të investojë që ne të futemi në BE.

edi rama takim qarku elbasan

Sondazh

Poll

MË SHUMË