Sport

VIDEO/ Leverkusen bën mrekullinë nga 3-1 në 4-3. Dhe tani është -6 nga Bayern!...

'Aspirinat' fitojnë në minutën e 94-të me Schick dhe përfitojnë nga barazimi i liderëve të ligës.

16 Mars 2025, 22:33 Nga DOSJA

VIDEO/ Leverkusen bën mrekullinë nga 3-1 në 4-3. Dhe tani

GJERMANI - Këtu vjen sërish Leverkusen i çmendur: kampionët e Gjermanisë, në ditën e 26-të të Bundesligës, fitojnë 4-3 kundër Shtutgartit kur po humbisnin 3-1 në minutën e 67-të.

Vendimtarë në pjesën e dytë ishin Hincapie (68'), Stiller (autogol në minutën e 88-të) dhe Schick, të cilët në minutën e 94-t i dhanë Xabi Alonsos pikët, tani -6 nga vendi i parë i Bayernit, i cili barazoi 1-1 me Union Berlin

Mesa duket Leverkusen është skuadra që nuk vdes kurrë, e cila, me golat e fundit, fitoi Bundesligën vitin e kaluar: 3-1 në mes të pjesës së dytë, Aspirinët fitojnë 4-3 në fushën e Shtutgartit dhe kalojnë në -6 nga Bayern.

Gjashtë gola dhe dy autogola: nis me Demiroviç dhe Woltermade, të cilët në 15' dhe 48' bëjnë 2-0 për vendasit. Tre gola të tjerë arritën brenda 12 minutave: Frimpong (56’) zvogëloi diferencën, Xhaka (62’) shënoi autogol në rrjetën e tij dhe Hincapie (68’) rihapi ndeshjen.

Jemi 3-2 në të 68’ dhe kështu qëndron edhe për 20 minuta, derisa autogoli i Stiller (88’) të vendosë rezultatin 3-3. Përfunduar? Absolutisht jo, sepse në minutën e 94-t Schick kompletoi fitoren e Leverkusenit, i cili tani mund të ëndërrojë një rikthim të bujshëm në ligë pas humbjes në 1/16 e Champions League.

Rikthehet një klasike e Aspirinës: goli në kohën shtesë. Dhe tani, pas kësaj fitoreje 4-3 ndaj një Shtutgarti që është gjithnjë e më larg vendit të katërt dhe pas barazimit 1-1 të Bayernit me Unionin, kampionati është sërish i hapur: Xabi Alonso është 6 pikë pas Kompany.

B.T (Dosja.al)

Sondazh

Poll

MË SHUMË